DILI (Media ONE Timor) – Tanba moras Virus Corona Tinan 2019 (Covid-19) nebé tama ona mai Timor-Leste (TL) hodi halo nasaun fó sai estadu emerjensia, maka graduasaun ba estudante Fakuldade Ekonomia Universidade Oriental Timor Loro sa’e (Unital) nain 196 sei adia.
Unital iha fakuldade; Saúde, Ekonomia, Agrikultura, Direitu, Engenaria no Fakuldade Siensia Sosiais no Polititika. Daun-daun ne’e Fakuldade Ekonomia maka hala’o ona yudisium. Hein situasaun normal maka kontinua ho fakuldade sira seluk.
“Tanba sira nia estudu iha Fakuldade Ekonomia hotu ona, maka estudante hirak ne’e iha direitu atu tuir yudisium hodi prepara ba graduasaun ne’ebé sei realiza iha fulan oin. Maibé, tanba Covid-19 maka graduasaun ne’e sei adia ba to’o Fulan Juñu 2020.”
Lia hirak ne’e hato’o housi Reitor Unital, Florindo Pereira hafoin remata partisipa yudisium ba estudante Fakuldade Ekonomia nain 196. Estudante hirak ne’e mai housi Departementu; Gestão Geral, Akontabilidade no Estudu Siensia Dezenvolvimentu.
Reitor Unital ne’e esplika liutan, saida maka estudante hetan housi universidade hanesan faze ida. Kuandu to’o iha komunidade nia le’et, ne’e hanesan esforsu bo’ot ida atu sira bele implementa saida maka hetan ona durante prosesu aprendiazazem.
Hateten lider akademia ne’e, housi esperiensa nebé hetan iha komunidade nia le’et tenki esforsu hodi espresa hamutuk ho materia nebé hetan ona durante prosesu aprendizazem. Maibé, depende ba ida-idak nia kapasidade esforsu.
“Unital nia prosesu aprendiazazem tuir ona kurikulum Ministeriu Edukasaun. Aproveita kapasita án durante iha universirdade, maka bele sai hanesan baze ba ema ida-idak nia kapasidade iha komunidade nia le’et,” dehan Reitor Florindo.
Iha parte seluk ida housi Estudante Departementu Gestão Geral, João Maia de Jesus espresa nia ksolok ba yudisium ne’e hodi dehan, “Ha’u sente kontente, agradese ba Aman Maromak no apresia tanba loron ohin ami bele finaliza estudu iha grau lisensiatura ekonimia nian.”
Hateten João, laos fasil atu hetan grau lisensiatura. Aliende suportasaun no apoiu housi Aman-Inan no familia, housi esforsu án rasik mós importante. Tenki esforsu hodi hasoru obstaklu no tenki iha esforsu hodi hakotu eskola.
“Tanba sai estudante ita tenki iha responsabilidade ba Aman-Inan nia kolen, ba manorin sira nia kolen. No ba án rasik nebé lakon tempu no kolen. Nune’e, dalan diak liu ba hau halo tuir manorin sira haruka. Estuda hodi kompletu hau nia futuru,” tenik João hodi
Ita nia komentariu konaba post ne'e.