(Reportagen Livia Sarmento/Asistente Editor Marcelino Tomae)
DILI (Media ONE Timor) – Partisipa konsistoriu Arse Bispu Metropolitanu Dom Virgilio do Carmo da Silva, SDB ba kardial iha Roma, Estadu Timor-Leste deside líder karismatiku Kay Rala Xanana Gusmão maka sei partisipa ba serimomia ne’e.
“Informa liu husi karta ba Prezidente Repúblika katak Xefe Estadu mós envia reprezentante ida sei ba partisipa iha seriminia Kardeal Arse Bispu Metropolitanu Dom Virgilio do Carmo da Silva, SDB. Maibé Prezidente Repúblika deside maun boot Xanana mak ba, representa estadu Timor-Leste.”
Asuntu ne’e hato’o husi Primeiru Ministru Taur Matan Ruak ba Jornalista hafoin remata audiensia ho Prezidente Repúblika José Ramos Horta iha Palasiu Prezidensial Bairru-Pite, Kinta, (11/08/2022).
Xefe Governu ne’e akresenta katak, husi parte orgaun ezekutivu mós sei deside reprezentante ida hodi partissipa iha serimonia Dom Virgilio do Carmo da Silva nian iha Roma.
Enkuantu Papa Fransisco hili Arche Bispú Metropilitan Dom Virgilio do Carmo da Silva iha loron 27 Agustu 2022 no sei simu kargu ba Kardial iha loron 27 fulan Setembru tinan 2022.
Xefe Governu ne’e dehan, hanesan sidadaun Timor tenki orgullu ho Papa Fransisco nia nomeasaun Arse-Bispú Metropilitan Dom Virgilio do Carmo da Silva, SBD sai hanesan previleziu bo’ot ba nasaun Timor-Leste tanba maioria sidadaun Timor kristaun katolika.
Sei partisipa iha serimonia Arse-Bispú Metropolitanu Dom Virgilio do Carmo da Silva ne’e nia nian mak orgaun soberania Timor-Leste nian. Orgaun legislativu, organaun ezekutivu no mós orgaun Prezidensiál. (Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.