DÍLI (Media ONE Timor) – Tanba la iha sinal iha mate isin, nune’e Padre (Pe.) Arnaldo Soares Babo nia mate deskonfia kauza husi cardíaco curação (moras fuan) wainhira hala’o hela servisu iha Edifisiu Parokia Imaculada Conçeição, Balide.
“Ba dau-daun ne’e bele dehan kauza husi be’e ba fuan ka cardiaco ba fuan. Nune’e provoka Pe. Arnaldo to’o mate. No ra’an ne’ebé sai, tanba tu’ur kleur demais mak halo ran suli sai. Tanba Pe. Arnaldo mate ho pozisaun tu’ur hela iha kadeira.”
Esplika Archebispo Metropolitana Dom. Virgilio da Silva do Carmo husi mediku sira ba jornalista, hafoin remata vizita Pe. Arnaldo nia mate isin iha Igreja Balide, Kinta, (24/09/2020). Pe. Arnaldo Soares Babo hakotu ís iha Loron, Kinta, (24/09/2020), tuku 7:00 ÓTL.
Tuir informasaun ne’ebé jornalista Media ONE Timor halibur iha fatin akontesementu katak, iha dader maizu menus tuku 07:00 ÓTL, Kinta, (24/09/2020) povu Timor-Leste (TL), inkliu Archebispo hafanu ho lia rekadu, Pe. Arnaldo Soares Babo hakotu ís ho idade 45.
Rona tiha informasaun ne’e, Archebispo Dom. Virgilio to’o kedas iha fatin akontesementu. Liu minutu balun, mediku sira mós to’o hodi halo teste ba mate isin Pe. Arnaldo. Remata teste ne’ebé akompnya husi Achebispo Dom Virgilio maka fo deklarasaun ba jornalista.
Arcebispo hateten, tuir mediku sira nia teste katak laiha sinal ruma ne’ebé afeita ba matebian. Nune’e, provisoriamente sei deskonfia Pe. Arnaldo mate tanba kauza husi cardíaco ba fuan. No ran nebe’e sai, tanba tu’ur kleur demais nune’e halo ra’an suli sai. Tamba padre ne’e mate ho posisaun tur iha hela iha kadeira.
Enkuanto Pe. Arnaldo Soares Babo, moris iha Aldeia Dohoho, Suku Haufu, Letefoho, Ermera, iha loron 4 Abril 1979. Oan daruak husi maun alin nain sia. Oan husi; Aman Januario Babo no inan Lucia Soares. Husi Uma lisan Biu-ubu. Mane nain ne’en. Feto nain tolu. Ida husi feto nain tolu ne’e, nain ida maka Madre Hermenelindo Soares Babo.
Iha fatin seluk Pe. Parokuia Maria Imaculada Conceicao, Pe.Graciano Santos Barros haktuir, prosesu ba funeral Matebian Pe. Arnaldo Soares Babo, sei halot iha Cemiterio Maloa, iha Loron, Sesta, (25/09/2020).
Enkuanto Pe. Arnaldo simu ordenasaun iha tinan 2010 husi Matebian Bispo Dicese Dili, Dom Ricardo da Silva. Iha tinan 2019 simu orientasaun husi Archebispo Metropolitana Dom. Virgilio da Silva do Carmo hodi halao knar nu’udar Amo Paroquia Maria Imaculada Conceicao Balide.
Iha administrasaun Cartorio Igreja Balide, loron – loron nian hala’o misaun igreja. No mós misterio Pastoral nian to’o remata Pe. Arnaldo nia peregrinasaun remata iha mundu.(Reportájem Javelino Da Silva)
Ita nia komentariu konaba post ne'e.