(Reportajen Asistente Editor Marcelino Tomae/ Editora Suzana Cardoso)
Dili (Media ONE Timor) – Hamutuk estudante na’in 3.470 maka kandidatu sira nia aan ba rezime espesiál tinan 2023 nian iha Universidade Nasionál Timor-Lorosae (UNTL) hosi maizu menus sub rezime tolu.
“Iha prosesu rezime espesiál ne’e, totál kandidatu ne’ebé mak konsege kandidata sira nia an, hamutuk 3.470. Husi númeru ne’e, sira ne’ebé konsege tuir ezame rezime espesiál nian hamutuk na’in 3.065 ka 88,3%. No sira ne’ebé la tuir ezame rezime espesiál hamutuk 405 ka ekivalente ho %12,7.
Informadaun ne’e hato’o Ministru Ensinu Superior Siénsia no Kultura (MESSK), Longinhos dos Santosa ba Jornalista hafoin loke halo koresaun ezame ba rezime espesiál iha salaun MESSK, Kolmera, Dili, Segunda, (09/01/2023).
MESSK Longinhos esplika, kandidatu estudante UNTL rezime espesiál sei mai hosi; sub rezime oportunidade, sub rezime veteranus antigus kombatetentes libertasaun nasionál, sub rezime hakbi’it, no seluk- seluk tan.
Katak MESSK Longinhos, na’in 3.065 ne’ebe tuir ezame mai hosi kategoriza rezime espesial; ba oportunidade na’in 1.846 ka 51,7%, ba veteranus antigus libertasaun nasionál na’in 370 ka reprezenta 12%. Rezime espesiál hakbi’it hamutuk na’in 1.094 ka reprezenta 35,7%.
Aliende ne’e katak MESSK Longinhos, kandidatu rezime espesiál sira nia idade as liu mak 23. Tenki sidadaun Timor-oan. No kandidatu rezime espesial na’in 15 ka 0,6% maka akaba ensinu sekundariu hosi rai liur. Nune’e, hamutuk na’in 3.065 mak tuir ezame rezime espesiál.
Husi kandidatu 3.065 ne’e, Munisipiu Dili maka barak liu. Hamutuk na’in 75 mak tuir ezame. Rezime espesiál ne’e fó oportunidade ba estudante hirak ne’ebé akaba ona sira nia ensinu sekundaria tinan haat ba kotuk. Hahú hosi tinan 2019 to’o tinan 2022”, MESSK Longinhos dehan.
Partisipa iha loke halo koresaun ezame ba rezime espesiál ne’e, Diretóra-Jeral Ensinu Superiór no Siénsia, Diretór Nasionál Ensinu Superiór Universitáriu, Diretór Nasionál Ensinu Superiór Tékniku, Koordenadór Unidade Nasionál Kurikulu MEJD nian, Reprezentante husi CCLN, reprezentante Ministeriu Solidaridade Sosiál no Inkluzaun no tékniku sira. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.