Família 385 Afetadu Dezastre Naturais, Na’in Ida Lakon Vida No Na’in Ida Kanek

(Reportajen Jornalista Mariquita Freitas)

Dili (www.mediaonetimor.co) – Família 385 mak afetadu ba dezastre naturais; anin boot, bee sa’e, ahi han uma no sasan. Akontesementu ne’e akontese iha munisipiu neen maka hanesan; Baucau, Bobonaro, Liquiça, RAEOA, Viqueque no Lautem.

Tuir relatoriu ne’ebé hato’o hosi operasionál Autoridade Protesaun Sivil (APC) katak,  akontesementu dezastre naturais hirak ne’e akontese durante semana rua. Hahú husi loron 24 to’o loron 31 fulan Marsu no loron 31 fulan Marsu to’o loron 07 fulan Abril tinan 2025.

Xefe seksaun relasaun externa APC, Nelson Nunes de Orleans ba Jornalista sira liu husi konferensia imprensa iha salaun APC, Caicoli, Dili hatete, númeru família ne’ebé afeta ba dezastre naturais hahú husi loron 24 fulan Marsu to’o loron 31 fulan Marsu hamutuk família na’in 105 no iha loron 31 fulan Marsu to’o loron 07 fulan Abríl,  hamutuk família na’in 280.

Dezastre naturais hirak ne’e akontese iha:

1. Munisipiu Baucau, Postu Baucau Villa, Suku Seiçal, Aldeia Aque akontese ahi han komunidade nia uma ida. Nafatin husi Munisipu Baucau, Postu Quelecai, Suku Maluru, Aldeia Lolilubu Waguia akontese ahi han komunidade nia uma ida.
2. Munisipiu Bobonaro, Postu Maliana, Suku Lahomea, Aldeia Maliana akontese ahi han uma ida. Iha Postu Balibo, Suku Leolima, Aldeia Duaderok akontese ahi han komunidade nia uma ida.
3. Munisipiu Liquisa, Postu Liquisa Villa, Suku Maumeta, Aldeia Puke Manaru akontese anin sobu uma rua. Nafatin husi munisipiu Liquisa, Postu Loes, Suku Guico, Aldeia Vatu akontese anin bo’ot hodi estraga komunidade nia uma ida. Postu Liquisa Villa, Suku Hatuquesi, Aldeia Caicoletoho akontese anin sobu komunidade nia uma ida. Postu Loes, Suku Cuico, Aldeia Mau Uno akontese anin sobu komunidade nia uma ida.
4. Rejiaun Adminitrativu Espesiál Oekuse Ambeno (RAEOA), Postu Pante Makasar, Suku Naimeco, Aldeia Noke akontese bee sa’e hodi estraga komunidade nia uma ida. Suku Banoko, Aldeia Lalisuc akontese bee sa’e hodi estraga komunidade nia uma haat. Suku Costa, Aldeia Xanane akontese bee sa’e hodi estraga komunidade nia uma haat. Postu Passabe, Suku Abani, Aldeia Passabe akontese anin sobu komunidade nia uma ida. Sub Rejiaun Nitibe, Suku Lelaufe, Aldeia Cuatenes ahi han komunidade nia uma ida. Suku Naimeco, Aldeia Bagui akontese bee sa’e komunidade nia uma haat. Suku Lifau, Aldeia Oemolo akontese bee sa’e komunidade nia uma hitu. Suku Usitasae, Aldeia Bagui akontese ahi han komunudade nia uma ida. Suku Taiboko, Aldeia Nemun akontese anin sobu komunidade nia uma ida. Suku Costa Aldeia Oesono akontese bee sa’e komunidade nia uma neen. Suku Costa, Aldeia Xanane akontese bee sa’e komunidade nia uma 16. Suku Bobocase, Aldeia Bihala akontese bee sa’e komunidade nia uma ida. Suku Lalisuk, Aldeia Banoko, akontese bee sa’e komunidade nia uma hitu. Suku  Cunha, Aldeia Noapa akontese bee sa’e komunidade nia uma lima. Sub Rejiaun Oesilo, Suku Bobometa, Aldeia Nianapu akontese anin sobu kominidade nia uma ida.
5. Munisipiu Viqueque, Postu Uatolari, Suku Matahoi, Aldeia Iraler akontese ahi han komunidade nia uma ida. Postu Atocarbau, Suku Uani Uma, Aldeia Ossomali akontese anin sobu komunidade nia uma ida. Postu Viqueque, Suku Umaquic, Aldeia Macaden akontese anin sobu komunidade nia uma ida.

Nune’e, APC akumula katak akontesementu anin bo’ot sobu komunidade nia uma 10. Ahi han uma sia. Bee sa’e komunidade nia uma hamutuk 55. Ema na’in 10 mak evakua. Ema na’in ida kanek no ema na’in ida mate.

Akomentesementu hirak ne’e husi Komandu APC munisipiu hamutuk ho parseirus relevante, fornese ona asistensia emerjensia ba família afetadu sira, mak hanesan ai-han no laos ai-han (food item and non-food item-dalen Inglesh). No parte APC munisipiu nian sei kontinua halo levantamentu detaillu ba sasan ne’ebé hetan estragus no lakon. (Asesu Youtube–https://www.youtube.com/@Media1Timor/Facebook- https://www.facebook.com/Media1Timor/Iha moos Kursu Jornalizmu no Lian Inglesh)