(Reportajen Livia Sarmento/ Asistente Editor Marcelino Tomae)
DILI (Media ONE Timor) — Antesipa dezempregu iha mundu kompetisaun ne’ebé aas ba beibeik, Timor-Leste presiza kria industria no investimentu iha area oioin hodi fó servisu ba Timoroan sira.
“Iha futuru, Timor (TL-Red) presiza kria industria. Nune’e bele fó servisu ba Timoroan sira. Maibé ne’e hanesan lia fuan de’it. No investimentu ne’e sei hala’o iha Timor iha area oin-oin.”
Sujestaun ne’e hato’o hosi Embaixadór Timor-Leste (TL) ba Brunei Darusalam, Abel Guterres ba Jornalista hafoin remata enkontru ho Xefe Estadu José Ramos Horta iha Palásiu Prezidensiál Nicolao Lobato, Bairo Pite, Dili, Segunda (22/8/2022).
Nia mós husu atu identifika munisipiu idaidak nia potensialidade hodi kria industria iha TL. Inklui, potensialidade rekursu umanu Timoroan ninian ho ninia spesialidade. Tanba, liu hosi industria maka bele fó servisu ba ema barak iha rai laran.
Aliende ne’e katak Embaxadór Abel, TL presiza halo investimentu iha area oioin. Hanesan turizmu hodi loke hotel iha kada munisipiu hodi fó servisu ba ema. Loke fabrika halo ropa nian. No industria sira ne’ebé bele tau ema barak ba servisu.
Relasiona ho Timoroan sira ne’ebé atu ba sersivu iha Brunei Embaxadór Abel haktuir, daudaun ne’e iha hela prosesu nia laran. Aviaun mai foti ona Timoroan sira ne’e hodi ba servisu ona maka foin ko’alia klean.
Katak Abel, Timoroan hirak ne’ebé atu ba servisu tenke asina kontratu iha area oioin bazeia ba ida-idak nia kapasidade. Timoroan sira sei ba servisu iha area oioin. Maibé, área hospitalidade maka sei hala’o uluk.
“Ita sei tetu halo didi’ak para sasan hotu la’o ho di’ak. Bainhira ajensia sira ne’ebé lori Ita nia ema ba, tenki kuidadu sira. Lori Timoroan sira ne’e to’o iha nia fatin ho di’ak. Tuir kontratu ba tinan rua to’o remata ho dia’k. Ida ne’e maka Ita hotu nia hakarak,” Embaxadór Abel informa. (Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.