(Reportajen Estajiada Teotonia Neto)
Dili (mediaonetimor.co) – Povu barak mak sei halerik iha Tmor-Leste (TL), kona-ba dezenvolvimentu. Nune’e, povu mak fó fiar nafatin hodi liu bareira iha elisaun parlamentar tinan 2023 nian ba Partidu Frente Revolusionariu Timor-Leste Independensia (Fretilin) ho númeru sorteiu 11, kompremetidu atu tau atensaun ba area edukasaun, saúde no infrastrutura.
Ne’e maka promesa ne’ebé hato’o husi Prezidente Troika Partidu Fretilin Dr. Francisco Guterres Lu Olo, Prezidente troika segundu Jerasaun Lere Annan Timur no Prezidente Troika Sekretariu Jerál Partidu Fretilin, Dr. Mari Alkatiri, iha komísiu eleitorál loron ikus nian iha Tasi-Tolu, Tersa, (16/05/2023).
Prezidente troika Partidu Fretilin, Dr. Francisco Guterres Lu Olo hatete, bainhira povu vota ba Fretilin hodi kaer ukun fila fali mak sei hadia estrada no infrastrutura sira seluk nian. Fretelin sei halo dezenvolvimentu ba rai ida ne’e. Maske barak mak halo ona, maibé sei presija hadia di’ak liu tan.
Aliende ne’e Lu_Olo hatutan, Fretilin sei hadia infrastrutura eskola sira. Eskola presija iha biblioteka. Nune’e, tenki priotiza edukasaun. Tanba edukasaun importante tebes ba juventude. Nasaun TL nia joventude sira tenke matenek liu tan iha futuru, para lori TL sai buras liu tan.
Iha parte seluk Prezidente troika segundu Jerasaun, Lere Annan Timur hateten, Fretilin iha komprimisiu rua de’it. Mak hanesan liberta rai no liberta nia povu.
Lere esplika, rai ita liberta tiha ona. Hetan ona Liberdade. Tanba ne’e agora Ita hamutuk fila fali hodi liberta ita nia povu ida ne’e husi mukit no kiak. Fretilin sei la toba. Fretilin sei forsa nafatin hodi liberta nia povu no sei lori moris di’ak ba povu.
Antes ne’e Prezidente Troika Sekretariu Jerál partidu Fretilin, Dr. Mari Alkatiri deklara katak, bainhira povu fó fiar ba partidu Fretilin fila fali ba ukun mak Fretilin komprimitidu sei hadia sistema edukasaun, saúde, dezenvolvimentu ekonomia no infrastrutura.
Tanba povu hakarak sira nia oan tenki matenek, ho nune’e perioridade liu mak tenke hadia uluk sistema edukasaun tanba ida nee mak povu nia halerik desde iha tinan 2001, katak Mari.
Mari esplika , edukasaun ne’e tenke iha investimentu integradu,laos deit investimentu maibe tenki iha eskola, tanba ne’e tenke fo formasaun humana atu moris diak iha solidaridade no fundamental.
“Fretilin komprimitidu sei kria mos merenda eskolar iha eskola, kria kampu foot ball, foot shall no basket ball, atu nune’e Estudante sira hodi halo desporto ho nune’e bele dezenvolve desportivu iha rai laran nomos rai liur,” katak Mari.
Mari deklara liu tan katak, Fretilin mos iha komprimitidu sei tau atensaun ba sistema saude, tanba doutor espesialista Timor oan barak ba bei_beik, maibe laiha kondisaun para halao servisu, tanba ne’e Fretilin sei kria kondisaun ba espesialista sira atu nune’e sira bele halo tratamentu ho gratis no kualidade.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.