(Reportajem Estajiadu Mario Pereira/Editora Suzana Cardoso)
Dili (Media One Timor) — Atu garantia transparansia eleisaun parlamentar (elpar) tinan 2023 nian ho nakloke ba públiku bele haruka keixa direitamente ba Komisaun Nasionál Eleisaun (CNE sigla Portugues), maka halo ona lansamentu ba plataforma tabulasaun dijitál.
Lee Notísia Relevante: Apoiu Partidu Fretilin, L7 Lakon Pozisaun Iha PLP
Hatuir Prezidente Komisaun Nasionál Eleisaun (CNE sigla Portugues) José Agustinho da Costa Belo, Vise Xefe Misaun Embaixador Japaun ba Timor-Leste, Yamada Kazumi no reprezentante Programa Nasoens Unidas ba Dezenvolvimentu (UNDP sigla Inglesh), Munkhutuya Altangerel katak, sentru tabulasaun ne’e hodi ajuda sistema tabulasaun dijitál CNE nian ho efetivu no efisiensia.
Prezidente CNE José Agusitnho da Costa Belo iha nia deskursu, Fulan Abril 2023 antes loron kampañe Elpar nian katak, plataforma tabulasaun ne’e atu hadia kapasidade dijitál no fahe informasaun husi orgaun eleitorál sira.
“Plataforma tabulasaun ne’e para fornese informasaun eleitorál ho efisiensia no efetivu. Aliende ne’e, Ita hein katak ho plataforma dijitál ne’e bele moos fornese informasaun ho justu no loloos ba sidadaun sira”, José dehan.
Lee Notísia Relevante: Luta Ba Dezempregu, Partidu Os Verde’s Simu Tan Militante
Prezidente CNE ne’e esplika liutan, Plataforma tabulasaun dijitál ne’ebé oferese husi Governu Japaun no servisu hamutuk ho UNDP ne’e nu’udar sistema inovativu ne’ebé bele fasilita kontajen votus ho lalais.
Aliende kontajen votus ne’ebé lalais katak José, sistema ne’e sei halo kalkulasaun automatika ba distribuisaun kadeira. No sei fasilita asesibilidade ba utilizador sira. Plataforma tabulasaun dijitál moos fasilita públiku hodi haruka keixa direitamente ba CNE.
“Ita apresia ba apoiu ne’ebé Guvernu Japaun no UNDP ofrese”, katak José hodi hatutan, utilizasaun ba plataforma tabulasaun dijitál ne’e iha Timor-Leste hahú ho halo tabulasaun pre-elitorál iha São Tome, Guinebisau.
Dehan José, utilizasaun plataforma tabulasaun dijitál iha elpar 2023 ne’e sai barometru iha futuru. Susesu iha elpar tinan 2023, maka Timor-Leste sei nafatin uza plataforma tabulasaun dijitál ne’e hodi halo eleisaun.
“Plataforma tabulasaun dijitál fasilita ho lalais. Halo kalkulasaun automatika ba distribuisaun kadeira. No fasilita públiku hodi halo keixa. Nune’e Ita espera ho plataforma tabulasaun dijitál ne’e, eleisaun parlamentar tinan 2023 sei la’o ho efetivu no efeisien”, katak José ho esperansa.
Iha fatin hanesan Vise xefe Misaun Embaixador Japaun ba TL, YAMADA Kazumi hatete, plataforma tabulasaun dijitál ne’e CNE nian para uza hodi realiza elpar ho transparensia iha mundu dijitál.
“Tempu agora, ho sistema tabulasaun dijitál CNE nian ne’e sei realiza eleisaun ida ne’ebé transpirénsia. Eleisaun ida ne’ebé iha nivél as liu. Ema hotu-hotu ne’ebé asesu bele haree estrutura servisu tabulasaun nian. No moos ho nia rezultadu ne’ebé nakloke ba ema hotu atu hatene”, Embaixador Yamada hatete.
Nune’e mós reprezentate UNDP, Munkhutuya Altangerel hatete, plataforma dijtál ne’e permiti ba sidaudaun hotu-hotu atu asesu ba infomasaun. Ne’e kontribuisaun di’ak ba Governasaun TL.
“Ida ne’e importante tanba órgaun ofisiál jestaun elitorál nian, CNE iha fonte fundamentál ida ba informasaun eleitorál ba sidadaun hotu-hotu. Asegura transperensia iha prosesu eleitorál,” katak Munkhutuya.
Lansamentu ne’e hetan partisipasaun husi parseiru CNE, Diretór jerál STAE Acilino Manuel Branco no reprezentante husi partidu 17 ne’ebé sei kompete iha eleisaun Parlamentar tinan 2023 ne’ebé sei monu iha loron 21 Maiu 2023.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.