Apoiu Partidu Fretilin, L7 Lakon Pozisaun Iha PLP

(Reporatajen Editor Marcelino Tomae/Editora Suzana Cardoso)

 Dili (Media ONE Timor) — Hasoru eleisaun Parlamentar tinan 2023 nian, Deputadu Cornelio Gama alias L7 fó apoiu fali  ba Partidu Politiku Fretilin, nune’e tenki lakon kargu husi Partidu Liberta Povu (PLP), nu’udar Xefi Bankada iha Parlamentu Nasionál (PN) maske ne’e laos kargu boot.

Tuir Eis Xefe  PLP, Deputadu Cornelio Gama alias  L7 katak, nia la-simu desijaun ne’ebé hasai nia husi kargu Xefi Bankada PLP nian laho konsiderasaun. Maske tuir Vise Bankada PLP Deputadu Francisico Vascelhos ba Jornalista iha resintu uma fukun  PN, Kinta, (13/04/2023) katak, posisaun Prezidente Bankada PLP ne’e laos pozisaun boot.

Hatete  Deputadu L7 ne’ebé konkorda hasai nia husi Xefe  bankada. Maibé tenke iha rekoñesimentu. Labele halo reuniaun nonok de’it. Laiha informasaun. Derepente substituisaun mai ona.

“Ita ko’alia kona-ba substituisaun ba ha’u husi xefe bankada PLP,  Ita haree  oras ida ne’e ita  la tuir ona lei ne’ebé vigor iha Timor-Leste. Ida-idak  halo ninian. Tanba sira  hasai ha’u laiha rekoñesimentu.  Halo reuniaun ho nonok”,  katak L7 hodi hatutan.

Agoara matenek barak ona,  ne’ebé buat hotu halo laiha ona konsiderasaun. Maibé Deputadu L7 apoiu  Fretilin la’ós atu buka kadeira ka buka ministru. Maibé hakarak  ba Fretilin hanesan nia uma lisan.

Iha sikun seluk hatuir Vise  Bankada PLP  Deputadu Francisico Vancocelhos katak, L7 sei konsidera nafatin hanesan deputadu. Atu halakon mandatu, partidu maka sei halo karta hodi haruka ba meza parlamentu nasionál.

“Agora daudaun ne’e partidu prosesu ona karta. Ami haruka ona ba estrutura atu hato’o hela karta  hodi hato’o ba meza Parlementu,  inisia hahú bazeia karak husi partidu”, hatete Deputadu Francisco.

Maski deputadu L7 seidauk  hatama karta rezignasaun katak Deputada Francisco , maibé  Vansconcelhos  konsidera iha faktus  ne’ebé deklara iha media. Nune’e partidu PLP halo prosesu hodi halakon L7 husi nia pozisaun  hanesan Depuatadu PLP.

“Partidu maka sente iha impaktu negativu  husi nia (L7-Red)  deklarasaun ne’ebá halo ona”, Deputadu Francisco hatete.  Enkuantu antes ne’e meza parlamentu nasionál  deside ona fali vise  Bankada PLP Deputada Domingos dos Santos, hodi subustiu L7 , Xefe bankada PLP.(Asesu Youtube/Facebook https://www.facebook.com/Media1Timor Media ONE Timor)