(Reportajen Marcelino Tomae/Editora Suzana Cardoso)
Gleno (Media ONE Timor) – “Ami nia merkadu bainhira udan hanesan dau-daun ne’e, ha’u senti la suguru. Be’e dolar tama ba kios laran. No piur liu sira ne’ebé faan iha lona okos. Fatin la sufiente. Governu nanál hanesan buraixa. Propmete falsu de’it mai ami povu. Maibé implementasaun la la’o”, hateten ida hosi Juventude Gleno, Jaime de Araújo ba Média ONE Timor iha Merkadu Gleno, Munisípiu Ermera, Kuarta, (09/11/2022).
Tuir observasaun Media ONE Timor nota katak, hafoin udan durante oras rua de’it be’e nalihun iha merkadu Gleno. No estrada protokolu Kapitál Munisipiu Ermera ne’ebé liga Munisipiu Dili no Munisipiu Bobonaro ne’e, be’e taka tomak. Dala ruma, udan been iha estrada haksoit kona aihan sira ne’ebé fa’an hela iha estrada ibun. Na’in balun abrigadu tenki bokon hosi be’e foer ne’e moos.
Maske fatin la seguru para bele rai modo tahan no sasán sira seluk maibé Juventude Jaime esplika liutan, komunidade mantein lori nafatin sasán mai fa’an. Atu hases aan hosi udan been foer, negosiante sira buka meus hodi asegura sira nia modo tahan ne’ebé labele rai iha rai ona.
Ho lia fuan intrega aan ba situasaun Jaime hateten, povu nia moris maka nune’e ona. Tenki fa’an modo tahan sira ne’ebé buras loos ne’e, hodi hetan netik osan rahun ruma. Maibé modo tahan ne’e, maioria komunidade iha Gleno laran, maka sosa de’it. No sira ne’ebé movimentu viajen, it’oan de’it maka sosa.
Perkupasaun seluk ne’ebé hato’o hosi Jaime maka fatin rai modo para bele dura durante loron 2 ka tolu 3 hanesan mini merkadu. Nune’e, Jaime husu ba Governu atu kria mini merkadu ida hodi povu bele buka nia moris ho hakmatek no seguru.
Jaime konta nia esprensia, dala barak membru Governu ka sira ne’ebé sa’e karreta luxu governu ni’an kuandu liu husi estrada ne’e hetan kona povu kbi’it laek fa’an iha estrada ninin sira hamnasa fali. Bainhira tempu kampaña maka sira mai hakilar iha palku leten katak bainhira ukun sei hadia povu nia moris.
“Ita nia na’i ulun sira nanál hanesan buraixa. Lohi de’it povu. Implementasaun Ita bele hatete katak zero. Habokur sira nia kabun de’it. Pior liu atu hola tan karreta no laptop para sira sa’e, tuun sa’e iha ne’e goza ami ki’ik sira”, Jaime kestiona ho lian goza. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.