(Reportajen Livia Sarmento/Editor Asistente Editor Jacinto Caet)
DILI (Media ONE Timor) – Relasiona ho Timoroan toba de’it iha jardim iha Portugal, Governu Timor-Leste liu husi Embaixada Timor ba Portugál, husu ba sira tenke hakbesik aan ba embaixada nune’e hateten problema joven sira enfrenta.
“Uluk sira seidauk enfrenta problema seriu liu, Governu Timor-Leste liu husi Embaixada Timor nian iha Portugál, hatete fila-fila ba sira katak, hakbesik aan ba iha Embaixada, hodi hatete imi nia kondisaun, imi hela iha ne’ebé, serbisu saida, agora imi halo rejistu ka lae, maibé ema hira oan de’it mak mosu ba, sira seluk ta’uk karik, lahatene sé mak hatete ba sira atu labele mosu bá, mais sira la mosu ba mak to’o agora sasán seriu liu, ema lakoi simu sira atu serbisu.”
Asuntu ne’e hato’o husi Ministra Negósiu Estranjeiru no Kooperasaun (MNEK), Adaljiza Magno, ba Jornalista hafoin partisipa iha Aniversáriu Ezisténsia ASEAN nian ba dala-55, iha Embaixada Thailandia Motael, Dili Segunda, (15/08/22).
Ministra ne’e mos apela ba Timoroan sira tenki hakbesik aan ba iha Embaixada, nune’e bele ajuda buka fatin serbisu ba sira, no mos halo lina kordensaun ho Governu Portugál ajuda haree sira nia kondisaun, tanba sira la rejistu iha seguransa sosiál.
Ministra Adalzija afirma, Fulan neen sira revistu mate ona, kuandu ajensia ne’ebe akreditadu mak fasilita Timoroan ba servisu mos selu la loos ona.
Tanba ne’e, Ministra Negosiu Estranjeiru Adaljiza Magno husu ba Timor Oan karik la iha serteza di’ak labele ba, hela iha Timor hodi buka servisu iha ne’e.
“Imi haree ka lae iha sosiál média, MNEK halo posting barak loos, esforsu Governu nian liu husi MNEK lobi país barak, atu akumoda ita nia Timoroan sira ne’ebé mak hakarak ba serbisu iha rai li’ur”, katak Adalzija.
Maibé, Ministra Adalzija dehan, la’ós fasil hanesan Inglatera, sira la iha akordu bilateral ne’ebé mak bele fasilita, maibé iha Portugal ne’e difisil tebes.
“Agora ita tenta atu halo hela negosiasaun ho Portugal sei sira aseita ita bele iha akordu tempu badak, entaun bele fasilita, maibé kuandu la’ós fasilita husi Governu, ka laiha akordu ruma entre akordu ruma ho instituisaun ka organizasaun ruma ne’ebé impertense ba, lalika ba”, Ministra Adalzija Magno dehan.
Ministra ne’e mos rekonese Timoroan daudaun ne’e buka servisu iha Portugal numeru ba trabalhador ladun barak.
“Kona-ba Timoroan ne’ebé mak agora daudaun iha Portugál, ha’u la iha serteja ba númeru, mais iha balu de’it, la barak ida, mais kuandu ha’u atu halo serteja di’ak liu ha’u lalaika temi, mais kuandu, imi bele husu iha asuntu konsuladus mak iha dadus”, Ministra Adalzija Magno argumenta.(Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.