(Rejultadu Diskusaun Formandu SEFTEC Unidade Gestaun Krize iha Komunikasaun, 2023)
Iha nasaun hotu-hotu esisti grupu LGBTQ, Inklui iha Timor-Leste. Hanesan nasaun Demokratiku, Timor-Leste iha nia konstituisaun Repúblika Demokratika Timor-Leste (RDTL) hateten iha artigu
Artigu 17
(Igualidade ba feto no mane)
Feto no mane iha direitu no obrigasaun hanesan iha moris familia, kulturál, sosiál, ekonómikuno politiku nia laran.
Signifika, sidadaun hotu-hotu, tantu feto no mane iha direitu no obrigsaun iha liberdade atu moris no moris livre nu’udar sidadaun. Maibé realidade hatudu katak, maluk LGBTQ seidauk hetan sira nia direitu nu’udar sidadaun iha sociedade. Barak hosi sira mak hetan diskriminasaun: verval (bulling), fiziku direta no indireta. Balun família no vijiñu la simu sira nia prezensa iha sira nia leet.
Realidade ida ne’e sai kestaun ida ne’ebé Ita presiza hare no deskuti hamutuk. Ita presiza hare baze fundamentu hosi realidade irekoñesimentu ba maluk LGBTQ iha sociedade Timor-Leste. Seraque sira ne’e laos sidadaun Timor-Leste? No la’os kriatura Maromak nian? Sera que realidade ida ne’e mosu tanba impaktu sosiál ne’ebé la confortable ba maneira no jeitu moris ne’ebé diferente ho kodratu nu’udar mane, nudar feto no ema ne’ebé normál? Ou ida ne’e hanesan jeitu moris ida ne’ebé kontradis ho valor kulturál no relijiaun ne’ebé metin ona iha sosiedade Timor-Leste?
Se’e Ita hare ba sigla husi LGBTQ ne’ebé hatete katak, Lesbian, Gay, Biseksual, Transgeru no Queer. Maibé jeralmente LGBTQ hanesan ema ne’ebé nia orientasaun sexuál diferente ho ema normál. Lesbi katak, ema ne’ebé iha orientasaun sexual feto ho feto. Gay hanesan mane ho mane. Bisexual orientasaun sexual ba feto ho mane. Transgeneru ema ne’ebé modifika nia sexu. No Queer ema ne’ebé la simu nia an nu’udar mane no nu’udar feto.
Hosi defenisaun ida ne’e Ita bele nota katak, existensia LGBTQ kontradis ho valor kulturál no relijiaun ne’ebé metin ona iha Timor-Leste. Ita hatene katak, kultura ne’ebé sei forte iha Timor-Leste halo metodu moris Timor oan sira dezemvolve tuir atitude moris ne’ebé kria ona no sai ona hanesan abitu hosi jerasaun ba jerasaun ne’ebé liga ho asuntu entre Ita humanu.
Ligasaun husi ema humanu iha Timor-Leste mak bainhira atu forma uma kain sempre liu hosi fetosan-umane.Tanba konsiderasaun ba feto nia valor as, liu hosi fó barlakeadu maske iha kaben tama no kaben sai. Maibe, sempre iha nafatin konsiderasaun ba barlakeadu. Nune’e liga ho LGBTQ sira, atu forma uma kain sempre hetan reasaun rezeita mak’as hosi família no sosiedade.
Aliende valor kulturál, valor relijiaun mós la permite kazamentu homogeneal. Tanba kontra kodratu nu’udar humanu. Hanesan hakerek nanis ona iha biblia katak, feto no mane forma uma kain ba hodi hakonu mundu ne’e ho illas Maromak nian.
Rajaun kulturál no relijiaun ne’ebé sai ona abut iha sosiedade Timor-Leste Ita bele dehan mak sai rajaun ba governu la permite no mós la hetan rekoñesimentu hosi sosiedade ba LGBTQ forma uma kain.
Maske nune’e, kultura no relijiaun rekoñese nafatin LGBTQ nia existensia nu’udar humanu hodi hala’o sira nia moris lorloron nian. ——-Quintal Boot, 09/03/2023——(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.