(Reportajen Asistente Editor Marcelino Tomae/Editora Suzana Cardoso)
DILI (Media ONE Timor) — Hafoin vizita muzeum rezistensia, Vise Pimeiru ministru Santa Sé, Archebispu Monseñor Edgar Peña Parra ba hasoru malu ho Prezidente Parlamentu Nasionál (PPN), Aniceito Longuinhos Guterres Lopes.
“Ha’u kontente mai vizita fatin ístoria no rejistensia Timorense nian. Ita hatene katak fatin ne’e nu’udar muzeum ba memória rejistensia Timorense hodi rekoñese didi’ak ba ístoria Nasaun Timor-Leste nian.”
Lia fuan ne’e hatuun hosi Vise Primeiru Ministru Santa Sé, Arsebispu Monseñor Edgar Peña Parra ba Jornalista hafoin remata ninia vizita ba muzeum rezistensia iha loron, Kinta (22/09/2022).
Monseñor Edgar senti kontenti hetan oportunidade vizita no haree ho besik liutan ístoria rejistensia iha muzeum ne’ebé sai nu’udar evidensia ba Timoroan nia sakrifisiu no luta hodi hetan ukun rasik aan.
Liu hosi muzeum resistensia ne’e hatete Monseñor Edgar, foin sa’e no ema estranjeiru bele kuñese ho espesifiku liutan prosesu luta ba libertasaun patria no nia povu. Kuñese moos lutador ne’ebé sakrifika aan hodi sosa indepedensia. Maske, durante prosesu luta disfrustradu. Maibé TL konsege hetan libertasaun bo’ot.
“Ha’u kontente tanba; konsege hatene, rekoñese no verifika ba ístoria Timor-Leste nian. No importansia ba Igreja Katolika nian mak konsege independensia no demokrasia ba Nasaun Timor-Leste”, Monseñor Edgra hatete.
Iha momentu luta Arsebispu Edgar rekuñese, Igreja sempre hakbesik ba komunidade ne’ebé presiza hetan ajudusaun. Joven barak hetan sofre iha libertasaun pátria no povu.
Dehan Arcebispu Edgar, Igreja Katolika nunka haluha ba sakrifisiu sira ne’e, nu’udar ístoria importante ba rejistensia Nasaun TL nian. Ohin loron sai iha muzeum. Hosi partisipasaun Igreja sempre hamutuk ho joventude ne’e triste. Maibé orgullu ba luta tomak.
“Estadu Timor-Leste liu husi Igreja katolika iha momentu libertasaun, funu no mate. To’o agora Igreja Katolika akompaña nafatin ba povu Timor-Leste iha teritoriu laran tomak”, dehan Arcebispu Edgar hodi kontinua nia vizita ba sasan kultura kada munisipiu nian.
Monseñor Edgar Ba PN
Iha loron tuir mai Vise Primeiru Ministru Santa Sé, Arsebispu Monseñor Edgar Peña Parra ba hasoru malu ho Prezidente Parlamentu Nasionál (PPN) Aniceito Longuinhos Guterres Lopes.
Remata sorumutuk ba Jornalista Monseñor Edgar hatete, objetivu husi reuniaun ho Parlamentu Nasionál (PN) atu ko’alia kona-ba importansia Igreja Katólika iha Timor-Leste.
Liliu hatutan Monseñor Edgar, atu elojiu inisiativa PN ne’ebé adopta ona dokumentu fraternidade umana nu’udár dokumentu nasionál. Ne’e hatudu TL nia PN nu’udár Parlamentu dahuluk iha mundu ne’ebé aprova no adopta dokumentu kona-bá fraternidade umana.
Antes ne’e PN aprova ona projetu rezolusaun ho númeru 93/V(4a) kona-ba pás mundiál, fraternidade umana no koexisténsia komun ho umanidade. Nune’e, TL nu’udar nasaun dahuluk ne’ebé adopta dokumentu ne’e.
“Parabéns ba hotu-hotu. Ita hamutuk, nafatin iha orasaun. Papa Francisco nia bensaun nakonu bá povu ida ne’e,” Arsebispu Edgar dehan.
Iha fatin hanesan PPN Aniceito Longuinhos Guterres Lopes hatete, vizita ne’e la’ós de’it bainaka bá Igreja. Maibé, bainaka moos ba estadu tomak nian. Tanba mai inagura embaixada núnsiu apostóliku.
“Kompeténsia Parlamentu Nasionál nian maka halo no aprova tiha ona lei ne’ebé mak fasilita misionáriu Igreja sira nia servisu iha Timor-Leste. Nune’e, Vise-Primeiru-Ministru Santa Sé lori Igreja Katólika nia naran mai hato’o agradesimentu,” PPN Aniceto hateten.
Katak PPN Aniceito, Parlamentu asume duni nia papel ho responsabilidade nu’udar lejilador ho orgaun lejislador polítika. Hotu-hotu nia responsabilidade maka implementa iha moris lorloron kona-ba fraternidade humanu, ne’ebé foin daudaun lansa ona iha palasiu prezidensiál repúblika.
Posibilidade Papa Francisco Vizita TL
Konaba pedidu Papa Francisco nia vizita mai TL katak Vise PM VatikanuMonsennor Edgar hatete, Timoroan hotu tenke hahú halo buat di’ak hodi hatudu katak povu TL nia prontidaun atu simu vizita Papa Francisco nian.
“Papa Francisco seidauk trata nia viajen mai Timor-Leste iha tinan oin. Maibé hamutuk halo buat kmanek sira. Hatudu katak povu Timor-Leste iha konvite, tantu hosi parte igreja no governu iha seriedade atu simu Papa Francisco nia konvite,” Monseñor Edgar hateten.
Monseñor Edgar hameno ba Timoroan, tinan 20 ona TL nia independénsia. Tenke kontinua lao ba oin. Mezmu iha difikuldade, maibé koko ho posibilidade hotu atu nafatin iha esperansa ba sidadaun sira ne’ebé ki’ak bele nesesita sira nia moris. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.