(Reportajen Livia Sarmento/Asistente Editor Marcelino Tomae)
DILI (Media ONE Timor) — Partidu Demokrátiku (PD) hanesan jerasaun foun kontribui ba estadu Timor-Leste durante Tinan 20 ona, nune’e Prezidente Repúblika Jose Manuel Ramos Horta partisipa hodi fó korajen atu forsa nafatin hola parte iha esperansa vida domokratika.
Hafoin remata partisipa seremónia konferensia nasionál Partidu Demokrátiku iha Salaun Delta Nova, Domingu (10/07/22) Prezidente Repúblika José Ramos Horta hatete ba jornalista, iha nia parte orgullu tanba bele partisipa iha konferensia nasionál Partidu Demokrátiku ( PD) ba dala IV ho tema Mehi Hamutuk hodi Servi.
“Ha’u marka prezensa iha ne’e hakarak fo korajen no forsa ba partidu Demokrátiku tanba sira kontribui maka’as iha tinan 20 nia laran .Aleinde ida ne’e, desde independensia Partidu Demokrátiku mós kontribui maka’as ba konsolidasaun ita nia demokrasia .”
PR Horta hatete nia simu konvite mai iha konferensia nasionál Partidu Demokrátiku(PD) sempre marka prezensa, Tanba iha tinan 20 nia laran nia nunka reseita konvite ruma husi Partidu Demokrátiku hanesan partidu jerasaun foun.
“Partidu PD iha ona esperiensia tinan 20 ona. Eperensia legislativu, esperiensia governasaun, eperensia diplomatiku tantu partidu ida ne’ebe ha’u hakarak haree forte nafatin hola parte iha ita nia esperensia vida demokratika”, Katak PR Horta.
PR Horta esplika tan, Partidu Demokrátiku primeiru kontribui makas tinan 20 nia laran, hahú kedam iha primeiru legislatura ba asemblea konstituante elementu hanesan matebian Fernado Lasama de Araujo ho seluk seluk tan no Mariano Assanami Sabino sorte ke sei iha ne’e mai desde tempu luta Renetil ho mobilizasaun juventude iha momentu referendu.
Haktuir PR Horta, papel importante tebetebes Mariano Assanami hanesan elementu ida ne’ebé mak fornese nia aan, mak ohin lorom PD nafin firme. Tanba uluk laiha PD, uluk iha Renetil hodi mobiliza povu sira ba referendu
“Esperansa bo’ot ba PD tanba ami jerasaun 75 halo esforsu ikus liu hametin demokrasia hadia ita nia ekonomia ne’eduni ha’u apoia makas ba iha partidu ida ne’e úniku partidu ida reprezenta duni jerasaun foun, lasignifika CNRT maioria jerasaun foun ita hare CNRT sira hotu hotu jerasaun Santa Cruz jerasaun 91 Maun Bo’ot Xanana úniku jerasaun 75 i iha partidu sira seluk hanesan Fretilin jerasaun 75 Dr Mari Alkatiri úniku tantu todan iha jerasaun foun iha kaba’as ona”, PR Horta imforma.
Ne’e duni PR Horta deklara sei buka apoiu partidu sira ne’ebé jerasaun foun mak kaer unku, tenke hatama feto barak liu tan iha partidu nia laran. Labele feto iha kotuk de’it, maibé lideransa tenke fahe hamesan 50% mane 50% feto.
PR Horta konta, Iha tinan haat ne’e nia sempre ko’alia sai iha Jornal Australia no Televisaun, hakerek karta ba Prokuradór Jerál ba Primeiru Ministru Australia ho Líder karismatiku Kay Rala Xanana Gusmão mós halo ida ne’e, tantu muda kestaun ida justisa lealdade ba ema ne’ebé ho sakrifisiu.
“Ha’u kontente ko’alia ho Ministru Negósiu Estranjeiru iha Australia ha’u halo intervista barak ona media Australianu tau iha nia facebook ami kontente Taur mós kontente Maun bo’ot Xanana mós kontente Taur Matan Ruak mòs halo, ne’e sei hadia i tenke aumentan liu tan relasaun di’ak Timor Leste ho Australia”, PR Horta imforma.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.