(Reportajen Jacinto Caet/Editora Suzana Cardoso)
DILI (Media ONE Timor) – Promove talentu estudante Institutu Superior Cristal (ISC) hala’o kompetisaun ba modalidade futsal no volleyball hodi komemora aniversariu Falintil ba dala 47, loron konsulta popular Timor-Leste (TL) ba dala 23 no aniversariu ISC ba dala 21.
“Atividade ne’e ami realiza tinan-tinan rezistu ba iha estudante sira iha Dili laran nian. No ami loke mós ba komunidade sira. Iha tinan ne’e, ami loke foka liu ba Institutu Superior Cristal ba fakuldade rua ne’ebé ami iha.”
Haktuir Vise Reitor ISC, Jacinto Oliveira Junior ba Jornalista iha kampu Futsal ISC, Mascarinhas Dili, Tersa, (23/08/2022).
Nia esplika, jogu futsal partisipa hosi klubu hamutuk 17. Klubu 20 mai hosi modalidade volleyball. Klubu hirak ne’e mai hosi estudante no dosente hosi fakuldade edukasaun no mós fakuldade saúde iha ISC.
Katak Jacinto, kompetisaun desportu ne’ebé sei hala’o durante fulan rua nia laran. Ho órariu kada semana hala’o jogu dala rua ne’e realiza, tanba hetan ajuda fundus hosi Ministériu Ensinu Superior Siensia no Kultura (MESSK) hamutuk 3,184 USD.
No hosi ISC rasik Jacinto dehan, fó ajuda fundus maizu menus 3,000-resin USD. Nune’e total osan ne’ebé tuir planu sei uza ba kompetisaun futsal no volleyball hamutuk 6,184 USD.
Vise reitor ne’e dehan, osan ne’e balun sei gasta ba premiu nian. Ba manán na’in sira sei hetan trofeu primeiru, segundu no terseiru lugar tuir komisaun organizadora prepara. Aliende ne’e sei hetan subsidiu ne’ebé mai hosi MESSK. Hahú jogu futsal no volleyball ne’e klubu Fc Oksijenio kontra RJP. (Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.