(Reportajen Jacinto Caet/Editora Suzana Cardoso)
DILI (Média ONE Timor) – Hamutuk traballador hosi loja 15 kompete iha torneo “Nissin Gabin Cup Futsal” ne’ebé organiza hosi Online Juventude Hadomi Desportu (JHD) hodi komemora loron restaurasaun independensia ba dala 20 tinan 2022 nian.
“Ekipa hosi loja 15 ne’ebé atu tuir kompetisaun ne’e rejistu direta ba komisaun organizadora ka hetan konvite hosi Fortuna Lorosa’e. Objetivu hosi kompetisaun ne’e hodi organiza traballador sira ne’ebé durante tinan barak kontribui ona ba atividade ekonomia iha Timor-Leste (TL).”
Lia fuan ne’e kasu hosi Prezidente Komisaun Organizadora Francisco Lopez ba Jornalista sira hafoin remata teknikal meeting iha Hotel Garden Beach Pantai Kelapa Dili, Kinta (16/06/2022).
Hateten Fracisco, kompetisaun la’ós ba klubu profesional sira. Maibé ba traballador loja iha Dili laran hodi diverte no koñese malu ho diak liu tan entre traballador husi loja sira.
Iha parte seluk iha teknikal meeting reprezentante Khong Guan Biskuit Factory Indonézia, Anrio Dilon hatete eventu ne’e ba dahuluk ne’ebé mak sira hala’o ho objetivu atu selebra loron Restaurasaun Independensia TL nian ba dala XX.
Haktuir Anrio, kompetisaun futsal ne’e sei kontinua iha futuru hodi hametin liutan amizade entre traballador sira servisu iha loja Dili laran. Jogu ne’e sei hala’o ho sistema bota fora ka lakon sai.
Tuir orariu jogu sei ne’e sei hala’o de’it durante loron tolu. Hahú husi loron 17 Juñu 2022 to’o loron 19 Juñu tinan ne’e no sei hala’o iha Kampu Futsal Bebora. Iha jogu abertura sei loke hosi Loja Meimart 2 kontra ANY Balibo 1.
Entertantu loja 15 ne’ebé mak atu partisipa ne’e mak; Loja W-Four, Jacinto Supermercado, Loja Yang, Loja ABC 1, Loja ABC 2, Loja Balibo, Loja Starking, Meimart 1, Meimart 2, Lucky Strike, Jacinto Supermercado 2, Fortuna Lorosae 1 no Fortuna Lorosae 2.
Eventu ne’e JHD organiza Tanba hetan Apoiu fundus husi PT Abadi Corak Biskuit Factory Indonézia ho totál orsamentu hamutuk $2,950 USD. Ba manan na’in dahuluk sei hetan osan 500 USDManan na’in daruak sei hetan 300 USD. Manan na’in datoluk hetan osan 200 USD.(Asesu You Tube/Facebook Media ONE Timor)
Ita nia komentariu konaba post ne'e.