(Reportajen Asisten Editor Marcelino Tomae)
DILI (Media ONE Timor) – “Husu Ita Boot sira atu reza nafatin. No mós reza mai ha’u ne’ebé simu kna’ar ida ne’ebé bainhira Ita Bo’ot sira haree media iha jestu oi-oin”, husu Eminencia Kardeal Don Virgílio do Carmo da Silva, SDB, Arcebispo Dili iha nia ómilia bainhira prezidi misa agradesimemtu ne’ebé selebra iha uma adat Tasi Tolu, Tersa, (06/09/2022).
Jestu oioin ne’ebé haree iha media Kardeál Don Virgílio mensiona mak korajen ba iha misaun. Maromak nia fuan ne’ebé kontinua hanorin ba sarani sira hodi konvida mós atu buka maneira foun atu bele promove dame no domin iha sosiedade ne’ebé mosu violensia oi-oin.
Lee Notísia Relevante: SE MAK CARDEAL
Tuir Kardeál Don Virgílio nian hanoin, ne’e mak vokasaun. Maromak la’os bolu de’it apostulu sira, maibé Maromak renova Ita hirak iha ne’e. La’os de’it bolu ha’u ne’ebé ho knaar nu’udar Kardeál ninian, maibé prezente ne’e fó ba Ita hotu.
Hosi oportunidade ne’e Kardeál Don Virgilio husu ba sarani sira atu koko la’o hamutuk sa’e ba Na’in nia foho. Sira ne’ebé bele mak sira ne’ebé iha duni esperensia Maromak nian iha sosiedade laran.
Katak Kardeál Don Virgílio, sarani sira tenki tau iha neon ba konvite Maromak nian. Mai sa’e ba Na’in nia foho. Nune’e, presiza korajen hodi husik atetudi no komportamentu ne’ebé la’os saudavel, komportamentu ne’ebé la’os mai atu konstrui maibé atu sobu, hamate no falun kultura moris nian.
“Bainhira Amu Papa tula xapeu mean iha hau nia ulun, Amu Papa dehan, ba Maromak ida ne’ebé as liu hotu nia Gloria no onra, sede apostolika simu ba mareta mean ne’e mak sinál dignidade kardeál nian”, dehan Kardeál Don Virgílio.
Tuir observasaun Media ONE Timor iha terenu nota katak, partisipa iha misa agradesementu ne’e Primeiru Ministru Taur Matan Ruak, membru VIII Governu konstitusionál, membru Parlamentu Nasional, korpu diplomátiku no mós Prezidente Konferénsia Episkopál Timor- Leste (CET), Bispu Dom Norberto Amaral. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.