(Reportajen Formandu Ceftec Edigar Magno/Editora Suzana Cardoso)
Dili (Media ONE Timor) – Semana santa, iha Kinta-feira nu’udar loron dahuluk ba Páskoa ninian. Iha loron ida ne’e tama hanesan loron Santa, tanba Jesus hatudu domin boot no moris foun ba rai-klaran.
“Loron ohin Ita hahú Páskoa ninian. Iha loron ida ne’e, Ita nia Nai Jesus Kristu hanorin mai Ita hadomi ema seluk hanesan Ita an rasik. Nune’e Ita hotu hadomi Jesus Kristu ba loron aban (Sesta-feira Santa-Red) liu husi halo reflesaun iha Kalvariu. Jesus hatene, loron to’o ona Maromak atu hahii Nia. Liu husi terus no mate iha kalvariu. Iha ne’ebá mak Maromak hatudu ninia domin loloos ba ema.”
Hatete Amu Paruku Igreja St. Imaculada Coração de Maria Maubisse, Pe. Feliciano Rodrigues iha ninia homilia bainhira prezidi misa Kinta-feira Santa, iha Parokia St. Imaculada Coração de Maria Maubisse, Kinta, (06/04/2023).
Esplika Pe. Feliciano, iha loron Kinta-feira Santa Jesus hatudu domin boot liu husi fase eskolante sira nia ain. Ida ne’e maka lisaun ikus ne’ebé Nai Jesus Kristu husik hela ba Sarani sira atu hanoin kona-ba hahalok importante ida ne’e iha ninia moris nu’udar ema humana atu servi malu nu’udar an rasik.
Hanesan Nia dehan, hatutan Pe. Feliciano hodi hasara Nai Jesus Kristu nia ko’alia, “Maske ha’u imi nia mestri, ha’u tenki fase imi ain. Ne’e duni imi mós sei halo hanesan ne’e ba malu. Imi sei banati tuir nu’udar ha’u foin halo ba imi.”
Tamba haktuir Pe. Feliciano, Jesus nia moris la’os ho liafuan de’it. Maibé, Nia hatudu ida ne’ebé partikular, molok tama ba festa paskua. Nai Jesus hatene loos katak to’o ona nia loron atu husik dadauk rai-klaran atu liu ba Nia Aman.
Nune’e Pe. Guilhermino hatutan, Jesus Kristu fó hela moris foun ba rai-klaran atu Ita haburas domin ba malu nu’udar misteriu boot iha moris loron-loron nian. Maka, iha loron Kinta-feira Santa oinsa atu atu haburas loron dahuluk paskua ninian ne’e ho akompaña no kompriende didi’ak Jesus Kristu fó an tomak. Simu terus to’o Kalvariu.
“Iha Kalvariu maka Jesus hatudu nia domin mai Ita la-iha limitasaun. Jesus Kristu la he’in mós ema seluk halo fali ba Nia. Tamba fase eskolante sira nia ain la’os simpelismente de’it hatudu kona-ba Maromak nia omilidade”, hatete Pe. Feliciano hodi hatutan.
Moris foun ho halo tuir Jesus Kristu ne’ebé haraik-an, nu’udar identidade Jesus Kristu nian. Moris hanesan Jesus Kristu ho halo tuir Maromak loloos maka ida ne’ebé hatene servi. Jesus Kristu hatudu nia domin ba nia ema sira la-iha sukat. Jesus habadak nia atividade tomak ne’ebé nia halo durante nia moris maka hadomi. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.