(Reportajen Mario Pereira/ Editor Marcelino Tomae)
Dili (mediaonetimor.co) – Termina ona mandatu iha VIII Governu Konstitusionál, Ministeriu Asuntu Parlamentár Komunikasaun Sosiál (Mapkoms) atribui sertifikadu apresiasaun ba media na’in sira.
Atribuisaun sertifikadu ne’e hala’o liu husi serimonia agradesementu no jantar konfraternizasaun Ministru Mapkoms ho na’in ba media orgaun komunikasaun sosiál no jornalista sira, iha salaun komferesia FFTL, Bairru Formoza, Kinta kalan, (15/062023).
Haktuir Ministru Mapkoms, Fransisco Martins da Costa Pereira Jerónimo reprezentante media Estatal Daqui Belo no reprezentante media privadu sira, Diretor Suara Timor-Lorosae (STL), Salvsdor Saldanhia hatete prezensa media iha Timor-Leste (TL) nia prezensa depende moos ba servisu hamutuk entre parte hotu-hotu.
Ministru Mapkoms Fransisco hodi VIII Governu Konstituisionál ne’ebé lidera husi Primeiru Ministru Taur Matan Ruak hato’o agradese ba media no ba jornalista sira. Tanba kontribuisaun boot tebetebes ajuda Governu iha tempu difisil to’o eleisaun tinan 2022 no eleisaun 2023, hetan susesu bo’ot.
“H a’u hanoin buat sira ne’ebé maka Ita boot sira halo la saugati. Hosi esforsu Ita hotu bele hetan atinji ne’ebé di’ak. Nune’e mós problema pandemia ne’ebé ita hasoru ita konsege ultrapasa husi apoiu media hotu-hotu, ne’ebé maka ajuda Governu hodi halo sosializasaun iha komunidade no lori imfromasau loloos ba komunidade sira, ikus mai ita iha susesu boot ida”, hatete Misnistru Francisco Jeronimo hodi haktuir
Hotu-hotu bele dehan katak Timor-Leste nia rekursu la’o uitoan, nune’e bele fó soolusau ba problema Covd-19 iha mundu. Nasaun barak ne’ebé ke iha nia rekursu boot tebetebes maibé ikus mai hetan problema nafatin. Balu seidauk fó solusaun to’o ohin loron. Ne’e sira nia rekursu boot, kompara no ho Timor ne’ebé maka ida ne’ebé la sufisiente, maibé tanba média sira nia apoiu mós maka’as atu fó informasaun loloos konvense Inan Aman sira ikus mai Povu tomak hala’o vasina, no ultrapasa problema ida ne’e.
“Nune’e dala ida tan ha’u hakarak agradese ba ita boot sira hotu, ha’u hatene katak bainhira iha mandatu tinan tolu, ha’u bele dehan katak la rai hela buat di’ak ida ba Jornalista sira, tanba buat ne’ebé ha’u bele halo baziea ba lei, ida ne’ebé ha’u haree katak la bele ha’u mós la obriga aan atu halo” Misnistru Francisco Jeronimo informa.
Maibé Misnistru Francisco Jeronimo haktuir tan, iha mandatu VIIII Governu Konstitusionál ne’ebé iha tinan kotu, ema dehan hanesan Timor-Leste nia liberdade espresaun ho númeru 17 maibé tinan ida ne’e tun fali ba númeru 10. Ne’e signifika Governu Timor la interven servisu Jornalista nian.
Ministru MAPKOMS dehan Servisu Jornalista , halo baziea ba sira nia profisaun rasik, atu kontrola Jornalista sira nia (Jornalista) servisu ne’e konsellu imprensa (KI) nia responsabilidade tomak, Governu kria kondisaun atu nune’e bele Jornalista hala’o knaar ho di’ak no mós media na’in sira bele hala’o sira nia knaar hodi eziste nafatin.
“Obrigadu ba média na’in sira hotu, husi Media Privadu no mós Estatal sira ne’ebé hato’o ona apresiasaun mai ha’u, ida ne’e maka bele halo , husi la bele halo buat barak, maibé ha’u halo uitoan, atu hatete de’it katak ita hotu iha tempu difisil sustentavel ba impreza ekonómikamemte dala barak difisil tebetebes, maibé ita buka dalan nafatin para bele oinsá nafatin iha sustentavel idade”, nia dehan.
Tanba ne’e Ministru MAPKOMS kompromete katak, sei transmiti servisu balu ne’ebé maka seidauk halo, ba IX Governu hodi kontinua tau matan ba media no Jornalista sira hotu.
Iha fatin hanesan reprezentante Media Estatal Daqui Belo haktuir, agradese ba kooperasaun ne’ebé maka la’o tiha ona, liu-liu Ministru MAPKOMS nian, kooperasaun, maka halo agradesimentu ho média Estatal no média privadu .
“Hanesan media Estatal ami hodi estrutura tomak liuliu Radio Televizaun Timor-Leste (RTTL), hato’o agradesimentu ba kooperasaun ne’ebé durante ne’e la’o, espera b oin sei iha rekomendasaun forte husi Misnistru rasik ba iha Governu foun atu tau konsiderasaun ho situasaun b média Estatal infrenta”, Daqui Belo hato’o agradesimentu ba MAPKOMS hodi haktuir
Iha buat balu maka VIIII Governu liu-liu MAPKOMS konsege ultrapasa, no buat balu mós la konsege ultrapasa, signifika tenke halo esforsu ba oin, atu bele responde ba situasaun atual, liu-liu públiku nia nesesidade informasaun no kualker atividade.
Reprezentante Media Estatal ne’e haktuir tan, iha buat balu ne’ebé maka media sira konta nafatin VIII Governu konstitusionál liu-husi Ministeriu Asuntu Parlamentár Komunikasaun sosiál nia servisu iha dezenvolvimentu balu ne’e hatudu ona hanesan media Estatal.
“Ami koko la’o ho rekursu ho kondisaun ne’ebé maka la konsege halo, tanba kestaun tekniku , kestaun polítika, iha rekursu instituisaun Estadu, ho esforsu di’ak ne’ebé maka ami konsege infrenta ho rekursu ne’ebé maka iha ami koko atu kordena ho instituisaun seluk, liuliu Governu foun atu bele mós kontinua dezenvolve media hotu ba oin”, dehan Daqui Belo.
Nune’e mós reportajen Media Privadu Diretor Suara Timorlorosae hatete, agradese tebes ba VIII Governu liu-husi Mapkoms tanba, iha tempu Covd-19 ne’e média privadu sira liuliu STL atu mate ona, maibé esforsu Misnistru halo kooperasaun monta iklan tun sa’e maka suporta fali media STL kontinua nafatin.
“Ida ne’e hanesan pasazen hela ita hotu tenke agradese liuliu ami sira husi jornál média ne’e Presiza moris tanba hanesan ita hotu hotu hatene katak média ne’e komponente ba prosesu estadu hodi hametin Demokrasia iha ita nia rain rasik”
Salvsdor haktuir, Mapkoms nia mandatu tinan tolu, parese komprende momoos media sira nia problema iha situasaun hotu-hotu.
Tanba ne’e Salvsdor husu ba Ministru MAPKOMS ba oin maski la assume ona kargu, maibé tenke nafatin kolabora ho media hodi dezemvovlo nafatin liuliu hatutan informasaun ba iha sosiedade nia leet.
Atividade ne’e kuaze iha sekuensia neen, maka hanesan orsasauun, diskursu husi Misnistru, reprezentante Media, Distribui Sertifikadu, Jantar hamutuk no divertimentu, hetan partisipasaun husi na’in ba média privadu sira no media estatal no Jornalista. Inklui kargu Xefia ne’ebé tutela iha Mapkoms.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.