(Reportajen Kontributor Media ONE Timor-Agostu Sarmento)
Malázia (www.mediaonetimor.co)- Prienxe sekuensia Plenaria Simeira Asosiasaun Nasaun Sudeste Aziátiku (ASEAN) nian, iha loron Segunda, (26/05/2025) Primeiru Ministru (PM), Kay Rala Xanana Gusmão hetan oportunidade hodi ko’alia iha plenaria simeira ne’e.
Hanesan públika tiha iha Media ONE Timor (Lee notísia Relavante: Partisipa Simeira ASEAN, Malázia Simu PM Xanana Ho Guarda de Onra) Primeiru MInistru Xanana Gusmão ho delegasaun Timor-Leste nian to’o ona iha Malazia, iha Domingu 25 Maiu 2025 ne’e.
“During this meeting, the Chair will invite Timor-Leste to speak on all the agenda based on the new guidelines. Katak durante enkontru ne’e, meza sei konvida Timor-Leste atu ko’alia kona-ba ajenda hotu-hotu bazeia ba matadalan foun”.
Simeira ASEAN ba dala 46 hala’o iha Kuala Lumpur Sentru Konvensaun Kuala Lumpur / Kuala Lumpur Convention Cneter (KLCC), ne’ebé hala’o tuir tema Prezidénsia ASEAN 2025 Malázia nian katak “Inkluzividade no Sustentabilidade”, sei halibur líder sira hosi Estadu-membru sira ASEAN nian hodi diskute kestaun rejionál sira no trasa diresaun futuru hosi kooperasaun ASEAN nian.
Sekretariu Estadu Komunikasaun Sosial (Sekomns), Expedito Loro Dias Ximenes hatete, Partisipasaun Primeiru Ministru Xanana Gusmão iha simeira ne’e, sei iha reuniaun bilateral ho Xefe Governu hosi nasaun membru ASEAN sira.
“Primeiru Minstru sei halo aprezentasaun kona ba dezenvolvimentu ne’ebé Timor-Leste halo ba iha enkontru bilaterál sira. Partisipasaun Timor-Leste nian iha simeira ASEAN ba dala 46 ne’e hanesan pontu kulminante no estratejiku,” Sita Expedito iha Hotel Intercontinental Kuala Lumpur Malázia, Domingu (25/05).
Nia dehan, IX Governu nafatin desizivu atu partisipasaun ne’e bele hetan rezultadu ne’ebé diak. Hein katak esforsu tomak ne’ebé povu hein esforsu iha rezultadu.
Pontu haat importante iha sesaun dadeer, iha loron dahauluk simeira ASEAN ba dala 46, katak Simeira ASEAN nu’udar enkontru diplomátiku altu nível ne’ebé hala’o tinan-tinan hosi Estadu-membru sira hosi Asosiasaun Nasaun Sudeste Aziátiku (ASEAN).
Simeira ASEAN sai hanesan plataforma ida ba líder sira hosi nasaun membru sira-ne’e atu halibur no diskute asuntu oioin rejionál no internasionál sira ne’ebé maka sai preokupasaun ba malu.
Simeira ne’e permite líder sira atu troka hanoin, fahe hanoin, no foti desizaun kona-ba asuntu sira ne’ebé relasiona ho kooperasaun polítika, ekonómika, sosiál, no seguransa iha rejiaun laran.
Durante enkontru ne’e, Meza sei konvida Timor-Leste atu ko’alia kona-ba ajenda hotu-hotu bazeia ba matadalan foun. (Asesu Youtube–https://www.youtube.com/@Media1Timor/Facebook- https://www.facebook.com/Media1Timor/Iha moos Kursu Jornalizmu no Lian Inglesh)
Ita nia komentariu konaba post ne'e.