(Reportajen Asistente Editor Marcelino Tomae)
DILI (Media ONE Timor) – Relasiona ho joven Timoroan nadodon ba iha rai li’ur Governu liu husi Minstériu Negósiu Estranjeiru (MNEC-sigla Portugés) konsidera ajenssia sira mak halo jogada fa’an tikete ba sidadaun sira.
“Ohin ha’u rasik levanta kestaun ne’e ba ministériu transporte telekomunikasaun, atu toma atensaun ba ajénsia sira ne’ebé mak fa’an tikete ba sidadaun sira. Tanba ha’u hanoin ajensia sira fa’an tikete ne’e mak halo jogada sira.”
Preokupasaun ne’e hato’o husi Vise Ministru Negósiu Estranjeiru no Kooperasaun (MNEC-Sigla Portugues), Juliao da Silva ba Jornalista iha palásiu Governu Dili Kuarta, (03/08/2022).
Vise Minsitru Julião informa, sidadaun hirak ne’ebé rona informasaun dehan tikete iha ona. Sira ba de’it. Passaporte Timor-Leste ba paíz ida, tikete tenke iha kedas para atu viajen ba no mai nian. Maibé ajensia sira fasilita de’it tikete atu ba nian. Para fila nian laiha. Ne’e mak susar boot.
Katak Vice MNEC Julião, sidadaun TL hetan difikuldade iha ema nia airu portu to’o hetan sansaun. Sira tenke deporta. No mós tenke multa. Ida ne’e mak sente todan. Nune’e, ajensia sira tenke responsabilidade.
Maske nune’e Governu kontinua servisu nafatin ho ninia intelejensia sira katak Vice MNEC Julião hodi hatutan, Governu sei buka hatene sé mak faan tikete ba sidadaun sira ho ilegal.
Problema iha ema nia rai hanean Portugál ajenska ne’ebé mak faan tiket ba sidadaun sira, tenke iha responsabilidade. Governu kontinua servisu nafatin ho ninia intelejensia ne’ebé mak iha atu buka hatene se mak faan tiket ba sidadaun sira ho ilegal.
“Kestaun sira ne’e ita hotu husik hela ba ita nia siguransa sira para halo servisu. Agora invetigasaun la’o lai intelejensia sira nia relatoriu tama lai depois mak ita mak governu foti asaun ba kestsun sira ne’e”, katak Vise Ministru.
Nia esplika, Governu laiha kompotensia ida ne’ebé ke atu impede ema nia viajen ne’e ditero Maibé viajen hanesan Joven sira enfrenta hela iha Portugál ne’e risku, tanba organiza husi ajensisia ne’ebé laiha responsacel moral depois predujika sidadaun sira.
“Ami aproveita minnutu ida ne’e aviza ba família sira katak buat ne’ebé mak laiha informasaun klaru di’ak liu hakmatek tanba iha Europa ne’e ema nia regra forte” Vise MNEC deklara hodi dehan.
Hanesan iha Portugál, TL bele hola parte iha membru CPLP maibé la’ós atu prejudika regras interna fali iha ema nia paízes nian. Ida ne’e la bele . Di’ak liu kumpri de’it ema nia regra internal. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.