MEDIAONETIMOR-Tanba politikamente Nasoens Mediaoriente iha ona kooperasaun bilaterál ho Timor-Leste (TL) maka hamutuk nasaun 65 liu hosi Organizasaun Konferensia Islamiku (OKI) foti desizaun hodi intrega Kota Haji ba TL.
“Kota Haji ne’e politikamente desizaun nasoens 65 liu husi OKI, intrega mai TL. Tanba, durante ne’e sira iha ona kooperasaun bilateral,” dehan Prezidente Conselho Nasional Islamiku Timor-Leste (CONISTIL), Ahmad Ali Al- Ayyubi, ba Jornalista hafoin remata enkontru ho Prezidente Repúblika (PR), Francisco Guterres Lú Olo iha Palasiu Presidencial.
Atu follow up fila-fali Kota Haji ne’ebé intrega ona tuir Ahmad, TL bele tau nia embaxador ka diplomata iha Nasoens Mediaoriente. Aliende ne’e, hodi tahu matan mós ba Timoroan nain 65 ne’ebé hetan bolsa estudu eskola iha ne’eba.
Katak Ahmad, estudante Timoroan nain 35 ne’ebé eskola iha Quait ne’e, nain 3 seluk foin maka ba eskola iha area Saúde. Maibé, sura hó tempu TL seidauk ukun a’an, Islamico husi Annur no Yakin haruka bei-beik ba ne’eba. No Timoroan balun mós sai forsa iha Nasaun Turki, Palestina no Jordan.
Nia hatutan, Nasoens Mediaoriente mós hakarak ajuda TL liu husi loke kampu de trabalho ba Timor Oan sira ne’ebé hakarak ba servisu iha Nasoens Mediaoriente hanesan Timoroan sira ne’ebé servisu iha Inglaterra no Irlandia.
“PR Lú Olo positivu tebés. Katak, PR Lú OLO iha tempu badak ita sei haré. Tanba ne’e ba nasaun no governu nia diak iha futuru. Nune’e mós ami sei koalia konaba kodigu penál balu ne’ebé maka deskrimina povu muslimana nia direitu,” dehan Ahmad hodi hasara PR Lú Olo nia esplikasaun iha sorumutuk ne’e. (Reportájem Deonisio da Cruz)
Ita nia komentariu konaba post ne'e.