(Hakerek Nain Formandu Ceftec tinan 2023 Iha Unidade Hakerek Imprensa Mario Jonio Martins Mendonça/Formadora Suzana Cardoso)
Dili (mediaonetimor.co) – Moris bem estar ne’ebé sai mehi ema hotu nian; maka moris ne’ebé próspero, seguru no kore an hosi distúrbios (gangguan-Lian Indonesia) hotu-hotu. Maibé atu atinji mehi ne’e depende ba espíritu no karakterístiku lideransa, hodi kria natureza motivasaun servisu hamutuk no fiar an. Atu atinji servisu hamutuk no fiar an ne’e, presiza hetan apoiu maximu hosi ema hotu, liu hosi eleisaun. Nune’e maka kada tinan lima, sempre hala’o eleisaun hodi husu apoiu husi povu para bele hetan lejitimidade servisu hamutuk iha Governasaun ba moris bem estar nian.
Lejitimidade husi povu ba sira ne’ebé hakarak lidera Governu durante tinan 2023 to’o tinan 2027 no lidera auto kufiansa hodi hotu-hotu fiar an ba moris iha nasaun soberanu Timor-Leste ne’e, povu sira fó liu husi eleisaun. Iha tinan 2023 partidu politiku hamutuk 17 maka kompete ba eleisaun parlamentar ne’ebé sei hala’o ninia votasaun iha loron 21 Maiu 2023.
Maibé, molok hakat ba depozita votu, partidu politiku sira halo komísiu eleitorál iha palku politika. Durante iha palku polítika, partidu hotu-hotu iha liberdade atu espresa sira nia planu programa ba eleitor sira. Planu komísiu eleitorál ne’e maka sai matadalan ba desijaun vota iha loron 21 Maiu 2023 hodi lejitima partidu ne’ebé maka atu ba kaer ukun.
Uza a teoria é o criterio da verdade, hahú loron 19 Abril to’o 18 Maiu 2023, iha palku polítika, partidu sira hato’o komprimisiu oin-oin. Katak, wainhira hetan fiar husi povu maka sei hasai povu husi kiak no mukit nia laran. Balun seluk promote atu halo osan rasik. Seluktan promote atu fera foho Ramelau, Kablake no Mate-bian rohan-rohan para bele hetan riku soin hodi desenvolve Estadu ida ne’e sai nabilan. No balun fali dehan sira sei “ke’e estrada husi Dili ba Metinaru liu husi rai okos de’it”[1].
Partidu balun seluk, lakon valores etika no morál iha palku públiku. Tanba, uza insulta malu no hatun malu hanesan pontu essensiál iha kampaña eleitorál. Povu ne’ebé neon kloot hakilar no haklalak hodi hatun malu. Ikus mai harii moru hodi hafahe amizade. Rezulta amigu sai inimigu. Nune’e, iha sosiedade mosu destruisaun. Kria konflitu iha fatin-fatin no rebenta malu iha sosiedade to’o balun kanek no balun nia uma hetan estragus. Militante balun hetan tuda iha Loi-hunu, Ossú no komunidade balun nia uma hetan estragus iha Postu Hatudu, Munisipiu Ainaro.
Asaun brutalizmu hirak ne’e mosu, tanba lider partidu balun, iha palku leten ibun temi paz no dame. Maibé fuan nakonu ho insulta malu no hatun malu iha tempu kampaña aberta. Oinsa maka povu sira bele depozita konfiansa. Nune’e lider sira presiza konsiente katak, “O papel dos partidos políticos existem para educar as pessoas, e para ajudar as pessoas a comprender claramente sobre os valores que nos orientam a nossa vida política social e económica”[2].
Husi fraze simples ne’e hatudu katak partidu politiku sira eziste atu eduka no konstrui ponte atu ema sira bele hakat ba mai. Laos harii moru hodi hafahe amizade sosiál, iha vida politika, sosiál, ekonomika no kulturál.
Husi asaun komísiu eleitorál ne’e, hakerek na’in nota katak partidu idak-idak mai ho ideolojia polítika ne’ebé funan rebo-rebo no mehi ne’ebé ass. Hakarak ba to’o iha planeta merkúriu. Afinál horik hela iha planeta terra (rai). Tamba ne’e lider sira konsiente ba katak, “em polítika a verdade não é o que se proclama e a verdade não é propaganda, mas a verdade é o que se faz”[3]. Nune’e iha politika lia-loos laos proklama iha palku leten. No laos propaganda. Maibé lia-los liu ne’e mak ko’alia no tau iha prátika.
Lee Artigu Relevante: PROMOVE PAZ IHA KOMÍSIU SEI LIBERTA POVU BAINHIRA UKUN
Dezempregu As iha TL
Ita hotu hatene katak Timor-Leste hanesan Nasaun foun ne’ebé ultrapassa husi ukun kolonializmu Português iha tinan 1974-1975. No iha loron 7 Desembru 1975 invasaun Indonesia invade Rai Timor durante tinan 24. Povu Timor tama iha situasaun ne’ebé desagradáveis no hafalun ho mata ben. Liu husi luta ne’ebé fakar ran no ruin naklekar hodi hetan liberdade. Ikus mai restaura ninia independensia iha loron 20 Maiu 2002. Iha loron 20 Maiu 2023, kompleta ona tinan dala-21.
Maske Timor-Leste selebra ona restaurasaun independensia ba dala-21, ho totál populasaun iha tinan 2023, bazeia ba sensus populasaun uma kain iha tinan 2022 nian, totál populasaun hamutuk 1.340.434[4]. Maibé povu sei moris ho kondisaun mukit nafatin. Baseia ba dadus husi Banku Mundiál ne’ebé públika iha tinan 2014 (hakerek nain halo ona peskisa hodi halibur dadus. Maibé husi stastika nia website dadus laiha-nune’e governu presiza atensaun bai da ne’e), katak númeru mukit iha Timor-Leste atinje to’o 41,8%.[5]
Taxa desempregu jerál atinje 5,1%, ho tasa desempregu boot liu ba joven sira ho 9,6%. No resultadu peskisa hatudu moos katak, joven ho idade 15-24 maka la asessu ba empregu edukasaun no treinamentu[6].
Baseia ba asaun komísiu polítika no dadus hirak ne’e, maka ita tenke neon nain hodi fó votu ba makaer ukun ne’ebé ho hanoin kroat ba rai ida ne’e, hodi tau interese nasionál ass no hatan ba nesesidade povu nian. Fihir didi’ak lider ida ne’ebé maka matenek iha kakutak no matenek iha fuan atu bele lori nasaun ida ne’e sai “um país justo e própero e o desenvolvimento de uma sociedade solidária e fraterna”[7] Ida ne’e mak fundamentál no essensiál liu. Hanesan matenek nain Mario Cortella dehan “o fundamental e chegar ao essencial”. O que mais “essencial é o bem da coletividade não é pensar para o interesse pessoal”[8]. Tan ne’e fundamentál maka konstrusaun, desenvolvimentu ba rai ida ne’e no essensiál maka bem estar ka moris di’ak povu nian.
Nasaun Timor-Leste moos presiza lider ne’ebé matenek iha fuan atu eduka no moris tuir orden konstituisaun RDTL. “Respeitar pela Constitução pelas leis e pelas instituições democraticamente eleitas sejam a sua base inquestionável”[9] Tan ne’e lider ne’ebé governa estadu ida ne’e, respeita ba lei inan. Konstituisaun RDTL. Hakribi ba hahalok korupta. Hadok aan husi hahalok aat sira; abuzu de poder, korupsaun, violasaun no manipulasaun. Wainhira iha ukun la komete asaun hirak ne’e, mak povu sira sente sira tama iha paraísu foun mak moris bem estar.
Barometru ba Ita hotu atu tama iha paraizu foun maka leno ba programa partidu nian ne’ebé aprezenta ona iha palku leten, durante kampañe. Leno moos ba lider partidu sira ne’ebé hetan ona fiar kaer ukun iha tinan hirak liuba.
Nune’e hakerek nain konsola atu Timoroan fó votus ba partidu hirak ne’ebé nia programa ho valor tane ass interesse nasionál para moris bem estar duke interese partidária. Koñese didiak makaer ukun ne’ebé mak merese duni atu depozita Ita nia esperansa liu husi fó votus. Hanesan Max Weber dehan “numa democracia o povo escolhe o lider no qual confia”[10]. Husi frase ne’e ita bele hatene katak votu ne’ebe ita deposita ba lider ne’ebe ita konfia maka ita nia esperansa ba moris diak.
Nune’e makaer ukun sira tenke ukun ho matenek no ukun ho fuan, iha governasaun ba dala-9 ida ne’e. Ezize maka’er ukun ne’ebé virtuoso, justu no iha responsabilidade ba povu no rai ida ne’e. Hanesan matenek nain Plotino Filósofo de Alexandria hatete, “o homem justo é aquele que faz o seu trabalho e cumpre o seu dever”. Tan ne’e uniku lider ne’ebé justu mak bele lori povu sira sente duni tama iha sekulu das luzes. Laos hela bebeik iha sékulu das trevas. Sekulu das luzes maka povu sira nia esperansa atu la bele hananu bebeik múzika “hamlaha hamrok, Ita Liman Ain Kole” iha rai ida ne’e. Nasaun Timor-Leste. Votus suseisu ba imi nia votus iha loron 21 Maiu 2023. (Asesu Youtube/Facebook https://www.facebook.com/Media1Timor Media ONE Timor)
[3] GUSAMÃO, José Alexandre Kay Rala Xanana. E os primeiros 10 anos da construção do Estado Timorense, 1a Edição, publicado em Portugal, por porto Editora, Lda, Maio de 2012., p. 210
[7]XIMENES, Cláudio,Constituição da República Democrática de Timor-Leste, Aprovado pela Assembleia Constituinte em 22 de Março de 2002, 1a Edição, Dili, Março de 2010
[8] CORTELLA, Mário Sérgio, Qual é a tua Obra?Inquetações propositivas sobre Gestão, liderança e Ética, 6a edição Petrópolis, editor vozes Ltda., 2009., p. 95
[9] CRDTL op.cit P.20
[10] Max Weber, Ensaios de Sosiologia 5a Edição, Trad, Guanabara, Rio de Janeiro, 1982., p.58
Ita nia komentariu konaba post ne'e.