(Reportájen Jornalista Baukau Tomas Reis/Asistente Editor Jacinto Caet)
BAUKAU (Média ONE Timor) — Udan boot ne’ebé estraga estrada iha Baguia, Baukau, Ministeriu Obras Públiku (MOP) orienta kompañia lokál Rivio Construction hahú normaliza fali fali ona hodi fasilita movimentu transporte nian.
“Orienta ona kompañia Rivio Construction ba halo ona servisu atendementu urjente nian para movimentasaun la’o fila fali”, Diretór servisu MOP Munisípiu Baukau, Pedro Alexandre Guterres Perreira ba Jornalista iha kna’ar fatin Uatulete-Baukau, Semana dahuluk Fulan Jullu Tinan 2022.
Pedro hateten, udan boot iha semana kotuk estraga komunidade sira nia natar. Inklui estrada husi Postu Baguia liga ba Postu adminstrativu Uatulari Munisípiu Vikeke. Nune’e, kompañia lokál normaliza fila fali ona.
Katak Pedro, normalizasaun estrada ne’e katégoria hanesan projetu emerjénsia. Servisu ne’e hala’o ona dezde loron 06 Jullu 2022. Estrada ne’ebé hetan estragus mak iha suku; Hae-Coni iha área Batata, Suku Larisula, Suku Larisula, Defauasi Baguia no mós Suku Samalari.
Pedro esplika liutan, estrada lima iha Postu Administrativu Baguia ne’ebé hetan estragus hosi udan nia kondisaun kuaze kotu total. Nune’e difikulta movimentu transporte nian.
Pedro akresenta, diresaun nasionál MOP fó fiar ba kompañia refere hodi halo sosializasaun ba estrada ne’ebé estragus liliu iha Postu administrativu Baguia. Tanba kompañia refere iha kapasidade atu halo konstrusaun ho nia ékipamentu pezadu rasik inklui finanseiru.
Antes Diresaun Nasionál MOP fó fiar ba kompañia Baguia Oan ne’e katak Pedro, Rivio Construction halo uluk dezeñu ba projetu volume boot iha TL.
“Kompañia Rivio Construction ne’e, Baguia oan ida. Tanba ne’e diresaun nasionál mós fó fiar ba nia. Ita espera nia bele halo ho durasaun tempu ne’ebé lalais”, Pedro argumenta.
Projetu tipu emerjénsia ne’e, Pedro fó estimasaun ho orsamentu maizu menus rihun 500,000.00 USD ho durasaun fulan tolu ka fulan neen tenke konklui ona projetu refere.
Diretór Servisu MOP Baukau ne’e, husu ba kompañia Rivio Construction atu haree kondisaun estrada ne’ebé kotu total, tenke tau bronjong hafoin halo ateru ho rai henek.
“Depende ita haree ba nia efeitu kotu ona, nesesáriu liu para tenke tau bronjong. No ateru para karreta bele liu. Maibé la nesesáriu lalika. Ami ko’alia tiha ona ho na’in ba kompañia buat hotu tenke preparadu. Projetu ne’e nia estimasaun emerjénsia ne’e mais boot liu 500 mil mai kraik”, katak Pedro.
Entretantu Postu Administrativu Baguia iha Suku 10. Suku Afaloikai, Alaua Leten, Alaua Kraik, Defawasi, Hae-Coni, Larisula, Lavateri, Samalari, Ossohuna no Suku Uakala. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.