(Reportajen Angelo da Costa/Editora Suzana Cardoso)
DILI (Media One Timor) – Atu promove, eduka, monitoriza no superviziona hodi simplifika prosesu atendimentu, Sekretáriu Estadu Kooperativa (Secoop) rezista ona ema na’in 7.000-resin maka sai membru ba kooperativu besik 409.
“Entre kooperativa 409 ne’e; 120 mak kooperativa kreditu no 282 kooperativa ba produsaun”, Sekretáriu Estadu Kooperativa (Secoop), Elizario Ferreira hateten iha ninia diskursu komerasaun loron internasional kooperativa dala 100 no nasional ba dala 10, ne’ebé hala’o iha sentru konvensaun Dili, Sabadu, (02/07/2022).
Sekretáriu Elizario esplika liutan, mundu kooperativa mak nu’udar setór datoluk tuir konstituisaun ba planu estratejiku dezenvolvimentu iha planu no programa VIII Governu nian.
No submete ba Parlamentu Nasionál katak Elizario, mak lei grandes opções ne’ebé setor datoluk ne’e halo hodi hetan aprova iha PN ho medidas ualu; medida haat sai hanesan medida ida ba dezenvolvimentu integradu hodi fo konsensaun públiku ba atividade privadu sira hanesan, agrikultura, peska, pekuaria, komersiu no kreditu.
Sekretáriu Estadu Secoop informa, tanba Timor-Leste adere ba kooperativa internasionál sira iha mundu; kooperativa ASEAN, Asean Confederation Credit Union, Coperativa Komunidade dos Pais a Lingua Portuges (CPLP), Aliansa kooperativa rezionál no Konsellu Mundial Koperativa, maka TL hamutuk komemora loron Aliansa Kooperativa Internasional ba dala 100. No nasional ba dala 10 ho tematiku kooperativa harii mundu ida di’ak liu.
“Sekretariu Jeral Nasoens Unidus, Banquimon deklara tinan tomak hanesan loron internasional kooperativa maka ohin TL kompleta tinan 10. Tinan 2013 selebra ho tema servisu lokal bem global, 2014 foti tema ida ema mak sentru ba dezenvolvimentu. No 2022, VIII Governu adopta ema mak sentru ba dezenvolvimentu”, Sekretáriu Secoop Elizario esplika.
Nune’e iha selebrasaun kooperativa nasionál ne’ebé kompleta ona tinan 10, Secoop TL iha ona kooperativu 409, hosi ema na’in 7.000-resin maka sai membru ho osan hamutuk 26, 290,000.00 USD ho tipu kreditu osan no produsaun. Iha produsan balun ba agrikultura no peska no balun seluk ba pekuariu.
Hosi dadus ne’e Secoop Elizario dehan, sei uza para atu promove, eduka, monitoriza no superviziona hodi simplifika prosesu atendimentu. Nune’e, sei fó asesu ba movimentu kooperativa no halo ema hotu sai na’in ba kooperativa ne’ebé sai mata dalan ba ema tomak.(Asesu Youtube/ Facebook https://web.facebook.com/Media1Timor Media ONE Timor)
Ita nia komentariu konaba post ne'e.