(Reportajen Formandu Ceftec; Teobursi Soriano, Franzela Pinto, Gigelda da Cruz, Medelinha Soares)
Dili (Media ONE Timor) – Pasiente aumenta ba bei-beik iha Hospitál Nasionál Guido Valadares (HNGV), fó impatu ba parajen la-sufisiente. Nune’e, entre funsionariu no doutor sira nia transporte tenki para hadau malu ho vijitante sira.
Kestaun ne’e sai perkupasaun husi Diretór Administrasaun Finansa no Lojistika HNGV, Enfermeiru Raul Humberto Gama, Infermeiru iha Unidade Pediatria HNGV Mariano Caetano Marques, Vijitor Virgilo Guterres no Seguransa HNGV Jaquelino de Castro hodi reprezenta komunidade sira nia perkupasaun.
Esplika Diretor Raul Humberto Gama ba Media ONE Timor iha semana daruak, Fulan Marsu Tinan 2023 katak, parajen HNGV ne’e hahú estabelese iha tinan 2022. Iha tipu haat. Tipu ‘A’ parajen ba públiku ho nia kapasidade akumula veiklu 150. Kompostu hosi motorizada 130 no kareta 20.
“No tipu ‘B’ ba funsionariu sira iha ospitál ne’e. Nia kapasidade ba kareta 32 no motorizada 21. Tipu ‘C’ parazen ba de’it motorizada ho kapasidade por volta 66. Enkuantu ba tipu ‘D’ akumula de’it motor 24 no kareta 25”, Direitur Raul hatete.
Diretor Administrasau, Finansas & Logistica, Enfermeiro Raul Humbero Gama iha Edifisiu AFL HNGV ( Foto Media ONE Timor).Katak Diretór Raul, parajen tipu ‘B’, ‘C’ no ‘D’, oferese de’it ba funsionariu públiku iha HNGV ne’e nian. Tanba iha fatin refere iha ona ninia regulamentu ba transporte ne’ebé hetan ona sticker mak bele para iha ne’ebá.
Kondisaun parajen ne’ebé la-sufisiente ne’e tuir Diretor Raul, parte HNGV informa ona ba Prezidente Autoridade Munisipiu Dili (PAMD) hodi dekreta lei ruma. Nune’e, vijitante sira bele implementa sistema pagamentu para garantia no asegura liu tan transporte públiku sira.
“Antes ne’e ami halo ona aproximasaun ho autoridade Munisipiu Dili ni’an. No nia (PAMD-Red) aseita atu ajusta ba dekretu balu, hodi tau regulamentu ba parajen iha HNGV ne’e nian. Maibé, tanba seidauk iha dekretu, nune’e ami seidauk aplika”, Direitur Raul akresenta.
Aliende ne’e katak Diretur Raul, HNGV mós sei estabelese regra ba vijitante sira ne’ebé mai para sira nia transporte públiku iha parajen ho limitasaun tempu. Maximu ho durasaun oras rua de’it. Nune’e, bele fó fatin ba vijitante seluk hodi para sira nia transporte.
Iha sikun seluk, Infermeiru iha Unidade Pediatria HNGV, Mariano Caetano Marques ne’ebé tama servisu iha tuku 02:00 madrugada to’o tuku 17:00 OTL hatete, fatin estasionamentu ne’ebé kloot obriga sira ne’ebé mai ikus tenki para motorizada sira iha liur de’it.
Infermeiro ( Funsionario HNGV), Mariano Caetano Marques iha Unidade Banco de Sangue HNGV ( Foto Media ONE Timor)Maibé hatutan Mariano ho motorizada sira ne’ebé para iha liur ne’e sei la-seguru. Liu-liu ihatempu kalan, pesoál seguransa sira la-bele kontrola hotu iha resintu HNGV ne’e ni’an.Nune’e, sei fó impatu la-seguru ba transporte hirak ne’e.
“Durante ne’e iha ona kazu motorizada balun lakon”, husu Jornalista Media ONE Timor. Ho diplomasia Mariano hatete, bai-bain nia motorizada tenki para iha parajen ‘A’ ne’ebé oferese ba funsionariu HNGV. Maibé, parajen ‘A’ nakonu tenki para iha liur. Perkupa, fatin la seguru.
“Hau sente la seguru. Tanba ami kuandu mai tarde mak fatin ne’e nakonu ona, entaun hakarak ka lakohi tenke para de’it iha liur. Tempu loron ne’e di’ak. Maibé iha kalan, Ita ta’uk lakon. Tanba seguransa ladu’un garantia. Sira atende ema barak. Labele haree loos de’it ba motor ne’ebé para iha liur”, haktuir Infermeriu Mariano.
Ezijensia hanesan hato’o husi Vijitor Virgilo Guterres. Nia hatete, parajen ne’ebé dadauk ne’e eziste iha HNGV la sufisiente ona. Maske responsável sira marka ona liña atu para motor tuir ida-idak nia fatin. Maibé, dala barak la hala’o tuir regra ne’e. Tanba fatin parajen mak la sufisiente ona.
“Ita hare’e pasiente aumenta barak. Maibé fatin ba parajen motorizada no kareta limitadu tebes. Tanba uluk transporte bele para hotu iha laran, iha resintu ospitál nian. Maibé agora labele ona. Tanba Ita nia maluk vijitante sira aumenta barak loos ona”, dehan Vijitor Virgilio.
Vijitor HNGV, Virgilo Guterres iha Parajen Publiku HNGV ( Foto Media ONE Timor)Katak vijitor Virgilio, parajen ne’ebé la sufisiente obriga motor sira tenki para ra
Tuir Vijitor Virgilio, parajen ne’ebé la sufisiente obriga motor sira tenki para rabat malu. Nune’e, bainhira presiza atu sai urjenti defisil loos hodi hakloot movimentu no laiha espasu atu sai. Balun seluk para taka tiha dalan ba la’o ain sira liu la-di’ak.
“Husu ba parte relevante presiza atu tau atensaun maximu ba situasaun ne’e. Tanba kada loron ema barak mak vijita sira nia família ne’ebé moras. No balu mai halo konsulta ba sira nia saúde mós barak ba bei-beik”, tenik Vijitor Jaquelino.
Hatan perkupasaun hirak ne’e, na’in ida husi Seguransa HNGV, Jaquelino de Castro hatete, situasaun ne’e akontese tanba menus konsiensa husi vijitante sira ne’ebé para motor no kareta la tuir liña ne’ebé avizu ona. Idak-idak mai para tuir hetan oportunidade fatin.
Hatan kona-ba perkupasaun husi funsionariu no vijitante sira, Seguransa Jaquelino dehan, sira hala’o servisu bazeia ba orientasaun husi superior sira. Sira kontrola motor no kareta sira ne’ebé para la-tuir liña. Tanba, kuandu la-para tuir liña, superior sira sei fó xamada.
“Ami haruka sira atu para tuir liña ne’ebe iha ona. Kareta no motor tenki para tuir regra ne’ebé taka ona iha kuadru avizu parajen ospitál ni’an. Maibé sira la rona ami. Sira kontinua para arbiru. Nune’e bainhira direktór sira haree, diretor sira hirus fali mak ami seguransa”, informa Seguransa Jaquelino.
Servisu nu’udar seguransa ne’ebé ema bai-bain, informa Seguransa Jaquelino tenke simu lia fuan kroat husi sira ne’ebé konsidera aan iha nivel ás.
“Ami mós hasoru difikuldade barak kona-ba servisu atendementu ne’e. Tanba iha vijitante balu lakohi halo tuir regra. Liu-liu ema hirak ne’ebe iha pozisaun ás. Dalaruma tenki hasa’i liafuan kroat no insulta ami seguransa sira”, hateten Seguransa Jaquelino. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.