MEDIAONETIMOR-Tanba defisil halo negosiasaun para atu forma VII Governu Koligasaun Minoriatáriu ba komposisaun membru governu 30 maka hamutuk nain 12 deit maka hetan posse, inklui kargu Primeiru Ministru (PM).
Serimonia tomada posse hosi Prezidente Repúblika (PR), Francisco Guterres Lú Olo ne’e hala’o iha Palacio Nobre Lahane, Sesta, (15/09/2017) la hetan partisipasaun hosi Partidu Oposisaun, CNRT, PLP no Khunto.
Membru VII Governu Koligasaun Minoriatáriu ne’ebé hetan posse;
- Primeiru Ministru e Ministro do Desenvolvimento e de Reforma Institucional, (temporariamente akumula mós nu’udar Ministro Justiça), Dr. Mari Bin Amude Alkatiri.
- Ministru Estadu no Conselheiro Seguransa Nasional, José Ramos Horta
- Ministru Saúde no akumula temporariu Ministru Edukasaun, Rui Mari de Araújo
- Ministru Agrikultura no Peskas (Akumula temporariu Ministro dos Recursos Minerais) Estanislau da Silva.
- Ministru Estadu no Presidência do Conselho de Ministros, Adriano Nascimento
- Ministro de Negócios Estrangeiros e Cooperação, Aurélio Guterres
- Ministro da Administração Estatal, Valentim Ximenes.
- Ministro do Plano e Finanças, Rui Augusto Gomes
- Ministro da Defesa, José Somotxo
- Vice- Ministra da Educação, Lurdes Bessa
- Ministro do Comércio e Indústria, António da Conceição.
- Ministro Solidariedade Social, Florentina Martins Smith.
“Ohin mai ho 11 deit tanba iha rajaun rua; Primeiru tanba negosiasaun para atu forma governu ne’e la fasil. Segundu sei iha esperansa atu bele hetantan partisipasaun husi partidu sira seluk,” hatan PM Mari Bin Amude Alkatiri ba jornalista hafoin remata simu posse.
Ba kadeira 18 hosi kadeira 30 ne’ebé maka sei mamuk PM Mari promote sei kompleta iha semana ne’e nia laran. Tanba, servisu para lobi CNRT, PLP no Khunto para inklui iha governu lao daun-daun ona.
Tanba tuir Sekretari Jeral Partidu Fretilin ne’e, sei reforsatan deit servisu ne’ebé lao daun-daun ne’e para bele aselera it oan prosesu ida ne’e lobi partidu oposisaun sira. Ne’e laos buat foun. Uluk kedas modelu lobi hahu ona.
Hatan involvementu partidu oposisaun iha VII Governu Koligasaun Minoriatáriu Mari hateten, sira laesklui ema ida. Emprinsipiu maka koligasaun, inkluzaun no insidensia parlamentar ne’e kontinua.
Maske lao hó governu minotariu PM Mari garante VII Governu Koligasaun Minoriatáriu sei dura to’o 2022. Tanba, iha fatin barak iha governu minotariu. Exemplu Portugal governu minotariu lao tinan 3 ona. To’o agora sei nafatin no ekonomia lao.
Katak PM Mari, programa ne’ebé tenki hala’o iha tinan dahuluk nian maka desemvolvimentu instituisional. Katak, atu halo reforma iha instituisional para atu reforsa kapasidade administrasaun ho jestaun rekursus orsamentu. Hosi rekursu ne’e mós sei aumenta Governu TL nia kapasidade iha rekursu humanus.
Programa seluk katak PM Mari, maka relasoens internasionais. Katak, sei lori Timor-Leste (TL) hakbesik a’an ba mundu tomak. Buka amigus foun. No hametin TL nia amijades. TL nia amigus tenki iha ho razaun ida bele fo vantajem ba TL.
Ba partidu oposisaun maioria katak Mari, dezaviu maka atu lori programa ida ba povu bele hetan rezultadu. Fo impaktu pozitivu ba povu nia vida. “Espera durante tinan 4 ne’e ita bele muda kondisaun povu nian. Tanba estabilidade to’o agora dau-dauk laiha problema,” dehan Mari.
Iha intervista ho RTTL, EP (Radio Televizaun Timor-Leste, Empreza Públiku) Mari esplika konaba halo negosiasaun iha PN atu hetan konsensia ba prosesu tomak katak, negosiasaun iha PN deputadu sira maka halo.
Nia hatutan, deputadu hosi Bankada Fretilin, PD, CNRT, PLP no Khunto maka halo negosiasaun nivel Parlamentu. Governu presiza atu lori programa ba PN sei buka lai konsensus nasional.
Iha governu simplis oras ne’e saida maka sai prioridade liu atu bele implementa para hetan kunfiansa husi PN rasik? “Ne’e atu halo proposta ba PN. Tanba, sei hahu ho lei balun. Primeiru lei de jestaun finanseira. Ita tenki halo revizaun. Tanba tinan finanseira hosi Janeiru ba Dezembru sei muda iha Junhu ba Julhu,” tenik Mari.
“Mais bele garante katak orsamentu bele funsiona diak liutan,” husu RRTL,EP. Mari hatan hodi dehan, “Sim. Tanba objetivu atu implementa orsamentu iha periodu ida ne’ebé diak liu ba agrikultura no servisu sira seluk.”
Partisipa iha serimonia tomada posse ne’e Prezidente PN, Aniceto Guterres, membru korpu diplomatiku, familia husi atual membru VII Governu Koligasaun Minoriatáriu, eis membru VI Governu Konstituisional no organizasaun sosiadade sivil sira.(Reportájem Suzana Cardoso)
Ita nia komentariu konaba post ne'e.