(Reportajen Kontributor Media ONE Timor-Agostu Sarmento)
Malázia (www.mediaonetimor) – Primeiru-Ministru Timor-Leste Kayrala Xanana Gusmão ho ninia delegasaun ho Aero Dili tun iha Aeroportu Internasionál Kuala Lumpur (KLIA) iha loron Domingu, (25/05/2025), oras tuku 15:45 oras Malazia nian, simu direta husi Ministru Rekursu Naturál no Sustentabilidade Ambientál Malayzia nian, Nik Nazmi Nik Ahmad.
Chegada Xefe Governu Timor-Leste (TL) ne’e simu ho guarda-de-onra hosi ofisiál no pesoál na’in 28 hosi Rejimentu Reál Ranger Batallaun Dahuluk.
Prezensa Primeiru-Ministru Xanana Gusmão hodi tuir Simeira Asosiasaun Nasaun sira iha sudezte Aziátiku (ASEAN-Sigla Inglés) ba dala 46 no Simeira Relasionadu sira, ne’ebé sei hala’o iha loron 26 to’o 27 Maiu tinan ne’e, iha Sentru Konvensaun Kuala Lumpur (KLCC).
Simeira ASEAN ba dala 46 sei hala’o iha loron 26 no 27 Maiu. Aleinde ne’e iha enkontru prinsipál rua iha nivel aas maka hanesan simeira 2ª Konsellu Kooperasaun ASEAN-Golfu (GCC) no Simeira dahuluk ASEAN-GCC-Xina.
Simeira ASEAN ba dala 46, ne’ebé hala’o tuir tema Prezidénsia ASEAN 2025 Malázia nian mak, “Inkluzividade no Sustentabilidade”, sei halibur líder sira hosi Estadu-membru sira ASEAN nian hodi diskute kestaun rejionál sira no trasa diresaun futuru hosi kooperasaun ASEAN nian.
Iha viajen Primeiru Ministru Xanana Gusmão nian akompaña hosi Vise Minstru Asuntu Parlamentár Aderito Hugo da Costa, Sekretáriu Estadu Komunikasaun Sosiál (SEKOMS), Expedito Loro Dias Ximenes, inklui ho ekipa media no protokolu. (Asesu Youtube–https://www.youtube.com/@Media1Timor/Facebook- https://www.facebook.com/Media1Timor/Iha moos Kursu Jornalizmu no Lian Inglesh)
Ita nia komentariu konaba post ne'e.