Patrocino Mós Asina Lista Proponente Ba Kandidatu PPN

(Reportajen Editor Marcelino Tomae)

Dili (www.mediaonetimor.co) –  Maski meza Parlamentu Nasionál  fó sai  issu katak Deputada Maria Ferbdanda Lay Koligasaun PD Ho CNRT propoin ba Kandidatura Prezidente Parlamentu Nasionál (PPN), maibé Patrocino Fernandes mós asina ona lista ba Kandidatura Prezidente Parlamentu Nasionál ba VI Sesta lejislatura.

Lee Notísia Relevante: VI Lejislatura: Governu Iha Liman Karuk, Opozisaun Liman Loos

Vise bankada CNRT Patrocino Fernandes   kuarta feira ne’e, (21/06/2023), imfroma ba  Jornalista iha resintu uma fukun Parlamentu Nasionál (PN), hodi hatete katak nia mós asina lista Proponente ba Kandidatura Prezidente Parlamentu Nasionál (PPN) iha  VI  lejislatura  periodu 2023-2023.

“Ohin ita boot sira simu  imfromasaun husi meza Parlamentu katak  tama ona lista kandidatura ida   iha meza Parlamentu mai husi  koligasaun CNRT e PD  ha’u hanoin maka  ide ne’e duni karik, tanba  ha’u mós ohin asina  lista ida  nu’udar proponete ida ba kandidatu prezidente Parlamentu Nasionál (PPN)”, Patrocino Fernandes hatan pergunta Jornalista.

Deputadu Patrocino haktuir, hanesan baibain nia    hatete katak Deputadu na’in 65  ne’ebé eleitu husi povu ne’e  hotu-hotu elizivel  ba kualker pozisaun   ruma simu iha Parlamentu Nasionál (PN) ne’e.

Maibé Deputadu Patrocino informa, sei meza Parlamentu Nasionál fó sia  ona   lista kandidatura  maka Deputada Maria Ferbdanda Lay, entaun ida ne’e imfromasaun kredivel. Maibé hein reniaun dahuluk ba VI Lejislatura maka hatene loloos.

Patrocino haktuir, memzu nia seidauk haree lista ne’ebé maka meza Parlamentu simu, maibé sertu nia mós asina tiha ona lista kandidatura  nu’udar proponete ida ba Prezidente Parlamentu Nasionál (PPN).

“Ne’ebé ha’u hanoin katak ita boot sira simu Informasaun husi  meza Parlamentu entaun imforma mais kredivel maka ida ne’e, tanba ha’u ko’alia iha li’ur ne’e, polítika”, dehan Patrocino Fernandes.

Enkuantu hanesan públiku ona iha media katak koligasaun CNRT  ho PD propoin Deputada Maria Ferbdanda Lay ba  meza Parlamentu Nasionál Kandidatura ba Prezidente Parlamentu Nasionál (PPN) iha VI Lejislatura ba periodu 2023-2028. (Asesu Youtube/Facebook https://www.facebook.com/Media1Timor Media ONE Timor)