(Reportájen Asistente Editor Marcelino Tomae/Editora Suzana Cardoso)
DILI (Media ONE Timor) – Hametin lasu amizade entre Parlamentu Nasionál (PN) Timor-Leste (TL) vizita Parlamentu Nasionál (PN) Indonézia hodi halo kooperasaun iha area prokolu parlamentár no midia.
Vizita traballu ba Indonezia ne’e hala’o hosi Prezidente Parlamentu Nasionál (PPN), Aniceto Longuinhos Guterres Lopes hasoru malu ho nia omologu Prezidente Parlamentu Indonesia (Ketua Dewan Perwakilan Rayat Republik Indonesia/DPR-RI) Puam Maharani.
Tuir informasaun ne’ebé redasaun Media ONE Timor simu direta husi Media Oficer PPN Kuarta, (24/08/2022) hosi Jakarta, Indonezia hateten, vizita PPN ne’e akompaña hosi groupu amizade PN TL ba Indonezia hodi hametin amizade entre Parlamentu Nasionál nasaun rua ninian.
Tuir komunikadu imprensa ne’ebé Media ONE Timor simu hateten katak, asuntu importante ne’ebé mak ko’alia iha enkontru ne’e, atu hametin nafatin lasu amizade entre nasaun rua.
Aliende hodi , liliu halo akompañamentu (fallow-up-Red) ba kooperasaun hirak ne’ebé estadu rua ne’e halo tiha ona. Hanesan iha area ekonomia mak foka liu ba dezenvolve ekonomia entre nasaun rua ne’e para koopera malu nafatin.
Iha sorumutu ne’e mós deskute no identifika obstaklu saida mak rai rua ne’e hasoru. Nune’e rejolve hodi haree ba posiblidade investimentu ne’ebé bele konkretiza. Liliu merkadu fronteira TL ho Indonesia para hametin relasaun kulturál entre Repúblika Indonezia no TL.
Hasoru entre PPN ho nia omologu ne’e deskute mós problema estudante Timor-oan ne’ebé agora dadaun hala’o estudu iha Indonesia hanesan; kitas, visa no propinás. (Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.