PN-MESSK-SEAK Konvoka Esbosu Inisiál Lei Kódigu do Direito de Autores

(Reportazen Marcelino Tomae/Editor Suzana Cardoso)

DILI (Media ONE Timor) – Obras intelektuais ne’ebé maka reprezenta iha obra literaria artistika no sientifika husi autor sira, presiza atu hetan protesaun no defeza ba diretu fraternidade sira nian.

“Dezde Timor-Leste restaura ninia independensia to’o ohin loron seidauk iha lei ida kona-ba Código do Direito de Autor. Tanba ne’e maka komiasaun G hola inisiativa hodi prepara ba projetu lei ne’e.”

Lia hirak ne’e haktuir hosi Prezidente Komisaun ‘G’, Antonio Verdial Souza ne’ebé trata asuntu Edukasaun, Juventude, Kultura no Sidadania, ba Jornalista sira hafoin remata audensia ho Autores Ministru Ensinu Superiór, Siénsia no Kultura (MESSK), Longuinhos dos Santos, Sekretáriu Estadu Arte no Kultura (SEAK), Teófilo Caldas, diskuti kona-ba esbosu inisiál Lei kódigu do Direito de Autores iha sala GMPTL Parlamentu Nasionál (PN), Kuarta (08/06).

Nia hateten, meza PN baixa ona prozetu lei numeru °41/V/(4.ª) – hodi ko’alia kona-ba kódigu Direito Autór. Maibé, projetu lei ne’ebé to’o tiha ona Prezidente PN no hatuun ba iha diplain.

Katak Antonio, diplain prepara nota tékniku. No hasa’e fali ona ba prezidenti PN hodi baixa mai komisaun. Nune’e, ohin Kuarta (08/06/2022) komisaun ‘G’ nu’udar na’in ba kódigu Direito Autór, hahú halo ona audensia ho entidade ne’ebé mak relevante.

Deputadu Antonio haktuir, tempu ba komisaun ‘G’ loron 30 de’it, hodi finaliza audensia, hafoin halo fali relatoriu hodi hato’o ba Prezidente PN. Tanba, prozetu lei numeru °41/V/(4.ª) – hodi ko’alia kona-ba kódigu Direito Autór ne’e importante tebtebes.

Nune’e, PN liu -husi Komisaun ‘G’ ne’ebé trata asuntu Edukasaun, Juventude, Kultura no Sidadania halo audensia ho Autores Ministru Ensinu Superiór, Siénsia no Kultura (MESSK), Longuinhos dos Santos, Sekretáriu Estadu Arte no Kultura (SEAK), Teófilo Caldas, diskuti kona-ba esbosu inisiál Lei kódigu do Direito de Autores. (Asesu You Tube/Facebook Media ONE Timor)