(Repotájen Jacinto Caet/Editora Suzana Cardoso)
DILI (Média ONE Timor) – Atu dezenvolve futeból iha Timor-Leste Federation Internationally Football Association (FIFA) prontu atu hadi’a estadium Munisípal Dili.
“Enkontru ho delegasaun husi FIFA ko’alia ho ami ezekutivu sira iha FFTL no FIFA informa seriu hakarak dezenvolve futeból iha Timor-Leste. FIFA hakarak hadia Infrastrutura. Sira hakarak hadi’a estadium Munisipal Dili.
Lia hirak ne’e haktuir hosi Prezidente FFTL Francisco Martins da Costa Preira Jerónimo hateten, ba Jornalista sira iha nia knaar fatin Bairro Formosa, Díli, Kuarta (08/06/2022).
Nia hateten, FFTL tenke tuur hamutuk ho governu Timor-leste hodi buka solusaun ba asuntu ne’e, maske ne’e kompetensia FFTL nian. Hosi Ministru justisa entrega ona dokumentu stadium nian. Maibé FFTL seidauk sai Na’in ba estdium.
“Tanba ne’e husu ba FIFA fó tempu bele ko’alia ho Ministeriu Justisa nune’e fó garantia bele hadi’a stadium. Tanba sira hakarak Timor-Leste mós sai uma Na’in ba jogu Internasional balun,” esplika Francisco Martins.
Aliende ne’e Prezidente FFTL, Francisco Martins , povu Timor-Leste bele asiste jogadór Timor oan ba joga iha nasaun seluk”, hateten prezidente FFTL Francisco Martins da Costa Pereira Jerónimo.
Nia parte deklara, parte ezekutivu FFTL esforsu bele hetan dokumentu rai nune’e FIFA bele hadi’a estadium munisípal Dili nian. Bainhira rekolla hotu dokumentu sira ekipa husi FIFA halo ona verifikasaun.
Entretantu partisipasaun másimu iha enkontru ne’e mak prezidente federasaun futeból Timor-leste (FFTL), Francisco Martins da Costa Pereira Jerónimo, Sekretáriu jerál FFTL Gregório Correia, Adjuntu Sekretáriu Jerál FFTL, Frederico Martins, membru Ezekutivu FFTL no mós delegasaun husi Federation Internationally de Football Association (FIFA). (Asesu You Tube/Facebook Media ONE Timor)
Ita nia komentariu konaba post ne'e.