(Reportajen Marcelino Tomae/ Editora Suzana Cardoso)
DILI (Media ONE Timor) — Prevene atu labele iha teste nuklear iha Timor-Leste (TL) maka reprezentante povu iha uma fukun Parlamentu Nasionál (PN) ratifika ona proposta rezolusaun lei numéru 15/V (4ª).
Ratifikasaun ba proposta rezolusaun lei numéru 15/V (4ª) ne’e realiza, hafoin aprezentasaun relatoriu hosi komisaun ‘B’, ne’ebé trata asuntu negósiu estranjeiru, defeza no seguransa ne’ebé lidera hosi Deputadu Jose Agostinho Siqueira Sumotxo.
Tuir observasaun Media ONE Timor katak, sesaun plenaria Segunda, (27/06/2022) hafoin deskusaun kontinua kedas ho votasaun hodi ratifika tratadu proibisaun totál de ensaius nuklear ho rezultadu votasaun afavor 46, kontra zero no abtensaun zero.
“Iha tinan 2015, asina ona akordu kona-ba prevensaun nuklear ne’e hodi prevene labele iha teste nuklear. Tanba ne’e mak lori ona tratadu ida ne’e mai iha Parlamentu Nasional hodi bele ratifika,” hateten Vice Vise Ministru Negósiu Estranjeirus no Kooperasaun (MNEK), Julião da Silva ba Jornalista hafoin remata akompaña deskusaun no aprovasaun ne’e.
Tuir Vise Ministru Julião, proposta rezolusaun lei numéru 15/V (4ª) kona-ba ratifika tratadu proibisaun totál ensaius nuklear ne’e importante tebes. Tanba, esperensia guerra mundial iha Hirosima no Nagasaki, Japaun akontese tanba teste nuklear hodi halo povu rihun rua-resin maka mate.
“Hanesan Ita Boot sira hatene iha tinan 77 ba kotuk, akontese guerra mundial. No bainhira iha teste nuklear halo povu rihun rua liu mak mate iha Jepaun, Hirosima. Ne ezemplu ida. Tanba ne’e mak lakohi atu akontese tan. Nune’e mak halo ratifikasaun ba tratadu ida ne’e”, konta Vise Ministru Julião. (Asesu youtub/Facebook https://www.facebook.com/Media1Timor Media ONE Timor)
Ita nia komentariu konaba post ne'e.