MEDIAONETIMOR-Prezidente Repúblika (PR) Demokratika Timor-Leste (RDTL), Taur Matan Ruak husu atu tahu atensaun ba Polisia Kriminal ho setor justisa sira ninia rekursu para iha kapasidade hasoru korupsaun no impunidade.
“Hau koalia bei-beik ona kona-ba nasesidade atu hametin orgaun Polisia Kriminal ho Setor Justisa tomak ninia rekursu. Ita hotu tenke hamutuk hodi prevene no hasoru korupsaun no impunidade hanesan sinal uniku,” dehan PR Taur iha ninia diskursu serimonia selebrasaun aniversariu Polisia Nasional Timor-Leste (PNTL) ba dala-17 iha Kampu Polisia Akademia Comoro.
Hola parte iha serimonia aniversariu PNTL nian ne’e, Primeira Dama Isabel Ferreira, Eis PR Jose Ramos Horta, Primeiru Ministru Rui Maria de Araujo, Ministro Interior Longuinhos Monteiro, Ministro Turismo Francisco Kalbuady Lay, Vice Ministru MAE Tomas do Rosario Cabral, Ministru das Obras Publika Transporte no Komunicasões Gastão de Sousa, Mayor General F-FDTL Lere Annan Timor, Comandante Geral PNTL Julio Hornay.
Ba partisipante sira PR Taur esplika liutan, atu harí nasaun ida tenke livre hosi korupsaun. Impunidade. Nune’e, laos fo deit kompetensia ba investigasaun kriminal PNTL nian. Maibe hotu-hotu tenki hamutuk hodi luta kontra atetude a’at ne’e.
Hateten PR Taur, impunidade hanesan sinal uniku ba regulamentu hodi asegura distribuisaun ida ne’ebe justu ba riku soin Nasaun Timor-Leste. Inklui, dezenvolvimentu ida ne’ebe justu ba ema hotu-hotu nia direitu.
Atu to’o ba impunidade no luta kontra korupsaun tuir PR Taur tenke fo atensaun ba aspetu; asaun komandu no lideransa ida ne’ebe mak esklaresidu. Seluktan maka forsa no servisu seguransa sira nia koezaun no disiplina. Aspetu ikus liu maka recursu humanu hodi fó formasaun ho espesializasaun ne’ebe tenke sai hanesan rekursu strategiku para hasa’e kualidade servisu ba sosiedade.
“Ita hotu hakarak Timor-oan sira seguru. Katak, estadu iha kapasidade atu prevene no halakon kriminidade hodi respeitu sidadaun sira nia liberdade. Direitu. No garantia resposatas ida ne’ebe diak ba ameasas. Riskus. Ho dezafiu ne’e ejiji forsa sira nia organiza’an tuir modelu seguransa. Ko’operativu ida ne’ebe foka liu ba ema. Ba nesisidade atu defende sira nia moris. Sasan. No maneira atu moris,” tenik PR Taur.
Iha serimonia isar bandeira aniversariu PNTL tinan 2017 ne’e, Komandu Geral propoin atribuisaun kondekorasaun medalha grau oi-oin. Desde ofisiais sira ne’ebé mak servisu kaer komandu durante tinan 5 nia laran.
Aliende ne’e kondekora mós ofisiais sira ne’ebé mak iha prestasaun diak. Nomos sira ne’ebe mak aktividade iha tinan 15 esersisiu funsaun seim iha kazu ba prosesu. Estadu no instituisaun rekoñese hodi kondekoratan membru PNTL nain10-resin ne’ebé maka hetan kanek iha operasaun hasoru Matebian Mauk Moruk ho nia groupu iha Suku Osuwake, Pastu Administrativu Baguia, Munisipiu Baucau.
Hadia PNTL
Remata serimonia isar bandeira ba selebrasaun aniversariu PNTL ne’e hatan jornalista Ministro Interior, Longuinhos Monteiro hateten, PNTL iha primeira linya hodi reprezenta estadu ninia soberania, merese duni atu hetan pensaun.
Konaba difikuldade ne’ebé mensiona hosi PR Taur tuir Longuinhos, iha futuru komando sei tahu atensaun ba kondisaun ne’ebe diak liu. Nune’e pesoal ne’ebé mak asumi ninia responsabilidade senti fiar’an no konfiansa ba sira nia misaun.
Hatan jornalista konaba kondekorasaun katak Longuinhos, dekretu lei koalia kona-ba medalhas kondekorasões. Laos atribui ba PNTL deit, maibe Medalha seguransa públika ba mos entidade sira ne’ebe iha liur. Sira ne’ebé durante ne’e kontribui ba seguransa estadu nian kolabora besik ho polisia. Nune’e atual Vice Ministru MAE, Tomas do Rosario Cabral desde kedas sei hanesan Diretor STAE kaer Eleisaun 2012 kolabora diak ho polisia merese duni atu hetan.
Aliende ne’e katak Longuinhos, medalhas kondekorasõens fo mos ba kompañia Telekomunikasaun ne’ebé maka durante ne’e kolabora no atribui ninia apoiu tomak ba PNTL iha eleisaun jeral ho gratuita.
Iha parte seluk eis PR Jose Ramos Horta apresia progresu servisu PNTL nian kompara ho krize tinan 2006. Aumenta idade, PNTL profesionalizmu liu tan. Iha ekipamentus no infrastrutura mos diak liu tan. Kriminalidade tinan ba tinan kumesa redus ona. Ne’e tamba PNTL nia Intervensaun no prevensaun.
“Ne’e duni hau nu’udar Timor-oan. Hanesan eis Presidente Repúblika kontenti. Maibe tenke hadia diak liu tan para ita nia PNTL bele orgulhu. Iha rai hotu-hotu polisia hanesan modelu ida ba seguransa nasaun. Ne’e duni ita tenke hakas’an hodi hadia a’an diak liu tan,” tenik Premiadu Nobel da Paz ne’e.(Reportajem jornalista estájiariu José Samuel)
Ita nia komentariu konaba post ne'e.