(Reportajen Asistente Editor Marcelino Tomae/Editora Suzana Cardoso)
DILI (Média ONE Timor) – “Ha’u seidauk hatene loloos, imi ne’e estudante universitariu hotu ka, ou balu husi populasaun sira seluk”, husu Prezidente Parlamentu Nasionál (PPN), Aniceito Guterres Lopes ba manifestante Aliansa Maubere Nasionál (AMN) ne’ebé halo audensia ho deputadu sira.
Audensia ho manifestante hosi AMN ne’e realiza iha salaun konferensia uma fukun PN, Kuarta (23/11/2022). Audensia ne’ebé lidera hosi PPN Aniceto ne’e partisipa hosi Prezidente Bankada Kongresu Nasionál Rekonstrusaun Timorense (CNRT) Deputadu Durante Nunes, Vise Prezidente Bankada Frente Revlousionario Timor-Leste Independénsia (Fretilin) Deputadu Antonino Bianco, Prezidente Bankada Partidu Demokrátika Deputadu Antonino da Consceição alias Kalohan ho Vise Prezidente Bankada Kmanek Haburas Unidade Nasionál Timoroan (KHUNTO) Deputadu Antonino Verdial da Souza.
Hanesan públika tiha ona antes ne’e AMN halo manifestasaun para ejizi ba PN hodi hapara sosa karreta no laptop ba orgaun lejislativu foun iha tinan 2023. Tanba tuir AMN, povu barak maka sei moris iha ki’ak no mukit nia laran.
Husu PPN Aniceto ne’ebé simu manifestante AMN ne’e katak, nia sei duvida ho prezensa AMN loloos ne’e mai hosi estudante universitariu de’it ka kahur malu ho organizasaun sira seluk.
“Benvindu ba imi hotu. Ita boot sira mai iha Parlamentu Nasionál hamutuk ho ha’u, ho líder Bankada husi FRETILIN, PD no CNRT. Maibé ha’u seidauk hatene loloos imi ne’e estudante universitariu hotu ka, ou balu husi populasaun sira seluk”, husu PPN Aniceto hodi hahú audensia ne’e.
PPN Aniceito informa, meza PN simu ona karta iha loron 16 Fulan Novembru 2022, iha semana kotuk. Maibé la konsege responde. Tanba monu loos iha debate Orsamemtu Jerál Estadu (OJE) tinan fiskál 2023. Nune’e, labele intrompe.
“Iha semana kotuk ha’u simu karta iha dia 26, maibé tanba diskusaun orsamemtu sei la’o hela entaun ha’u labele interpmpe, ne’e marka fali ba ohin” hatete PPN Aniceito.
Tuir observasaun Media ONE Timor iha terenu nota katak, manifestante AMN nian reprezenta hosi ema na’in lima. Enkuantu Jornalista sira tenta atu asesu hodi halo kobertura direta maibé parte media iha PN haruka sai hotu. “Hein halo intervista de’it”, hatete pesoál media PN nian. (Asesu Youtube/Facebook https://www.facebook.com/Media1Timor Media ONE Timor)
(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.