MEDIAONETIMOR-Hafoin liu tiha óras laran rua ho balun haruka ba Parlamentu Nasional, Prezidente Repúblika (PR), Francisco Guterres Lú Olo simu kedas kopia programa VII Governu Konstituisional iha, Tersa, (10/10/2017).
“Depois VII Governu Konstituisional aprezenta sira nia progarama ba PN, horiseik, (10/10/2019) iha tuku 08:30 OTL. No iha tuku 11:00 OTL Prezidente Republika (PR) mós simu kedas kopia programa VII Governu nian.”
Hatan Prezidente PN, Aniceto Lounguinhos Guterres Lopes ba jornalista sira hafoin remata enkontru ho PR iha Palasiu Prezidensial, Kuarta, (11/10/2017). Nia hateten, ba PR Lú Olo informa ona kona-ba debate ne’ebé prevista iha loron 16 to’o 20 Otobru 2017.
Antes ne’e, iha loron, Tersa, (10/10/2017) realiza reuniaun Konsellu Ministru (KM) hodi halo konfirmasaun kona-ba programa VII Guvernu Konstitusional ne’ebé haruka tiha ona ba PN.
“Ministru sira koalia ida ne’e foin primeira-ves, kona-ba orsamentu ratifikativu ba anu fiskal tinan 2017. Ida ne’e prinsipais ne’ebé mak ohin, (Tersa, 10/10/2017) koalia iha KM,” hateten Sékretariu Estadu Assuntu Konsellu Ministru no Kominikasaun Sosiais , Matias Freitas Boavida hodi responde jornalista hafoin remata reuniaun KM iha Palasiu Governu.
Katak Matias, ministru sira halo deskusaun programa VII Governu Konstitusional hodi fo sai orsamentu ratifikativu ne’ebé téknikamente apresenta hosi Ministeriu Finansas. Maibé, orsamentu ratifikativu ne’e seidauk inklui ninia montante.
Matias esklarese, ba montante orsamentu ratifikativu sei iha faze preparasaun. Hosi ministru sira foin maka primeira-ves halo enkontru. Nune’e, sei iha tempu para halo deskusaun klean liutan hodi reforsa programa hirak ne’ebé maka apresenta ona ba PN.
Hein Orsamentu Ratifikativu
Iha sikun seluk hatan jornalista, Sékretariu Estadu Assuntus Veteranus, Andre da Costa Belo L4 hateten, programa VII Governu Konstituisional parte assuntus veteranus nian maka hadia jardim heróis.
“Jardim herois ne’e iha programa tenki hadia. Maibé, orsamentu anual ratifikativu ka lae. To’o agora sei halo hanesan programa deit. Kona-ba osan hira. No atu aloka ba ne’e, aban bain rua tékniku sira ba haré lai mak ita foin hatene nia montante. Servisu lao tiha lai maka foin haré kestaun ne’e,” dehan L4. (Reportájem Deonisio da Cruz/Mario Lobo)
Ita nia komentariu konaba post ne'e.