(Reportajen Jornalista Baukau Tomas Reis/Asistente Editor Jacinto Caet)
BAUKAU (Média ONE Timor) — Atu promove joventude kreativu iha munisípiu ida-idak, Sekretáriu Estadu Juventude no Despostu (SEJD) liuhosi Fundasaun Dezenvolvimentu Software Livre (FDSL) kapasita joven hamutuk nain 20 tuir formasaun hodi kria website.
“Formasaun ne’e oinsá atu promove joven nia kreatividade neebé iha, kada munisípiu liuhosi média social, nunee ema bele koñese joven sira nia aktividade entaun sira rasik dezenvolve sira nia Website para públiku bele asesu.”
Informa Diretór Nasionál Kreatividade Juventude SEJD, Cesarino da Silva, ba Média ONE Timor, iha Vila-Antiga Baukau, sesta lokraik (01/07/2022).
Dehan Cesarino, joventude hamutuk nain 20 mak tuir formasaun hodi kria website, iha rejiuan leste kompostu husi munisípiu haat mak hanesan, Baukau, Manatutu, Vikeke no Lautem. Kada munisípiu ema nain-5, jestór nain-3 no voluntáriu nain-2.
Katak diretór Cesarino, formasaun refere anualmente SEJD realiza ona, kada munisípiu involve jestór hosi Sentru Juventude Munísipiu (CJM‐sigla portugés) estabelese ona Websecurity, Control Panel, Domain-Hosting, atu kria sentru juventude nia website rasik hodi públika informasaun kona-ba kreatividade joven nian.
Hosi formasaun ne’e, Cesarino hateten, bainhira jestór sira implementa ba kreatividade joventude sira nia website, SEJD sei upload liuhosi website ka google ema asesu joven sira bele hetan osan.
Iha fatin hanesan Manajer Programa FDSL, Elezito dos Santos, hatutan, objetivu husi formasaun oinsá kria website ba joven sira, tanba nee jestór sira hosi Sentru Juventude Munisípiu tenke jere rasik sistema ida nee.
Manejer programa nee esplika, materia hirak neebé atu joven sira uza hodi seguransa ba website mak hanesan; Control Panel no Websecurity, Control Panel, Hosting ba Control Panel ba websicurity nian.
“Matéria ne’ebé maka FDSL fó garantia, tanba jestór sira implementa ba joven sira nia kreatividade iha Website laran hodi halo públikasaun iha média sosiál. Tanba website nee liga liu ba kreatividade juventude nian.”
Katak Elezito, bainhira jestór sira infrenta problema iha sistema website, manejer programa prontu ajuda hodi kontrola.
Enkuantu SEJD aloka orsamentu ba promaga nee ho montante 28.741 USD, kompostu husi munisípiu 13 inklui Rejiuan Administrativu Espesiál Oe-cusse Ambeno (RAEOA), durante semana tolu, kada rejiaun ida duransaun loron lima.
Alende SEJD aloka orsamentu ho montante 5.351,20, ba munisípiu 4 husi rejiaun leste, durante loron lima.
Entretantu Jestór Sentru Juventude Munisípiu Manatutu, Avelina Maria Peregrina nia parte sente kontente ho formasaun ida nee, bele hakmaan joven Manatutu hodi kria Website hodi públika sira nia produtu.
“Durante ne’e atu hatudu kreatividade joven nian iha Website difísil tebes, tanba laiha Website, maibé agora ami iha ona Website rasik sei hatudu ami nia kratividade iha ne’eba, Avelina Maria Peregrina dehan.(Asesu Youtube/Facebook https://www.facebook.com/Media1TimorMedia One Timor)
Ita nia komentariu konaba post ne'e.