(Reportajen Livia Sarmento/ Editor Asistente Marcelino Tomae)
DILI (Media ONE Timor) — Kuaze iha territóriu Timor-Leste (TL) sempre halo violensia hasoru feto. Nune’e, Organizasaun Noun Governamentál (ONG) rede feto sujere ba Prezidente Repúlika José Manuel Ramós Horta atu koopera ho Governu hodi halakon violensia hasoru feto.
“Ohin ami aprezenta preokupasaun ba Xefe Estadu, tanba ita hothotu tenke responsabilidade haree oinsá mak bele halakon ka hakotu kazu violénsia hasoru feto no labarik feto.”
Hateten Diretora Ezekutivu Rede Feto Zelia Fernandes ba Jornalista hafoin remata audiensia ho Prezidente Republika José Manuel Ramós Horta iha palasíu Prezidensial Nicolau Lobato, Dili, Kuarta, (06/07/22).
Rede feto sujere ona ba PR Horta katak Zelia, kazu violasaun seksual ne’ebé buras ne’e tenki aplika lei kontra violénsia doméstika ne’ebé iha ona hodi bele trata liu ba iha kazu sira ne’ebé liga ba violénsia hasoru feto no labarik sira.
Diretora Ezekutivu Rede Feto Zelia Fernandes informa, audiensia ho PR Horta ne’e importante tebtebes ba organizasaun Rede Feto Timor-Leste. Tanba, hanesan públiku hatene, Rede Feto nu’udar organizasaun mahon ba organizasaun membru 40 ne’ebé hala’o servisu iha area oin-oin. Liu-liu kona-ba asuntu direitu Feto no Labarik Feto.
“Ita haree sei iha difikuldade, tanba númeru ne’e kontinua aumenta. Maibé iha parte ida ita haree katak sosiedade hahú sente violénsia hasoru feto no labarik feto. Ne’e la’os problema uma laran. Entaun hahú sira hatene ida ne’e hanesan krime ida, nune’e keixa iha justisa formál mós kontinua sa’e”, Diretora Zelia Fernandes infroma.
Zelia Fernandes hatete tan, sosializasaun rede feto ne’e, kontinua la’o nafatin atu enkoraja komunidade sira bele brani hatete sai violénsia sira, hasoru iha komunidade.
“Ita mós hanoin katak ho apoiu husi parseiru dezenvolvementu sira ne’ebé iha ita nia rain iha inisiativa oin-oin ne’ebé la’o depois bele kontribui oinsá mak hamenus no halakon violénsia hasoru feto no labarik feto”, informa Zelia.
Diretora Zelia esplika, inisiativa spotlight ne’ebé iha ida ne’e hanesan inisiativa ida ne’ebé bele tulun organizasaun feto no mós organizasaun oin-oin sosiedade tomak atu oinsá bele kontribui ba iha halakon no hapara violénsia feto no labarik feto.
“Rede Feto nia membru 40 mós tama iha lei kontra violénsia doméstika ninian. Maibé servisu asisténsia ba iha vitima violénsia bazea ba jéneru no violénsia doméstika ninian ami iha membru sira ne’ebé halo servisu besik liu ba iha asuntu ida ne’e mak hanesan FOKUPERS nu’udar mós jestor ba uma mahon sira ne’ebé eziste iha Timor laran”, informa Diretora Zelia. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.