(Reportajen Maria Sandrawati/ Editor Asisten Marcelino Tomae)
DILI (Media ONE Timor) -VIII Governu konstitusional aprova ona estatutu revisaun renumeratoriu Polisia Nasional Timor-Leste (PNTL) no hasa’e salariu basika ba Polisia Nasionál Timor-Leste (PNTL) 15%.
“Ita hotu hatene katak Polisia Nasional Timor-Leste servisu maka’as. Ne’e maka ohin aprova ona estatutu revizaun renumeratoriu ba sira. Ita hein deit Palasiu Governu haruka ba Palasiu Prezidente maka Xefi estadu sei promulga”
Informasaun ne’e hato’o husi, Vice Ministru Interior Antonio Armindo ba Jornalista iha salaun PCM-Palasiu Governu, Quarta, (10/08/22).
Vice Ministru ne’e informa, tinan kotuk VIII Governu Konstitusional konsege hasa’e salariu báziku PNTL nian ba 5%. Tamba governu kompremetidu hasa’e salariu PNTL 20%, nune’e intituisaun seguransa ida ne’e bele servisu diak liu tan, tuir misaun no vizaun politika.
Nia esplika liu tan, salariu bazika 15% ne’ebé VIII Governu konstitusionál promete governu servisu maka’as tebes. Agora aprova ona estatutu revisaun renumeratoriu PNTL no hasa’e salariu bazika seguransa nian ba 15% husi sira nia salariu bazika.
“Ita espera katak governu hasa’e salariu PNTL ba 15%. Signifika PNTL sei serisu maka’as liu tan. Laos ita hasa’e salariu bazika husi diminui servisu PNTL iha sosiadade nia leet. Ida ne’e labele akontese iha terenu”, katak Vise Ministru Interior ne’e. (Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.