(Reportajen Asisten Editor Jacinto Caet)
DILI (Media ONE Timor) — Atu fó koñesimentu ba membru sira husi organizasaun Persaudaraan Setia Hati Terate (PSHT) kuaze 9 mill, hodi halo graduasaun (hasa’e sintu), governu liuhusi Sekretáriu Estadu Juventude no Desportu (SEJD), sei buka fatin ba sira hodi sa’e sintu iha Timor-Leste.
“Kona-ba fatin konsentrasaun atu halo pengesahan SEJD seidauk simu fatin detailu hosi organizasaun maibé organizasaun fó hatene ona ba SEJD kuaze 9 Mill ital mak sei gradusaun.”
Asuntu ne’e hato’o husi Sekretáriu Estadu Juventude no Desportu (SEJD), Abrão Saldanha ba jornalista hafoin remata enkontru ho embaixadór Indonesia iha edifisiu SEJD, tersa (05/07/2022).
Governante Abrão Saldanha informa, organizasaun PSHT sei halo fatin konsentrasaun iha fatin 4 mak hanesan; Dili, Baucau, Maliana no Manufahi maibé ne’e sei tenativa
Relasiona ho graduasaun ba membru PSHT 9 Mill ital ne’ebé mak atu hala’o iha Timor-Leste, ne’ebé sei realiza iha fulan Agostu tinan ne’e.
Kona-ba preparasaun governu disponibiliza fatin ho autoridade seguransa nune’e bele asegura sira nia atividade bele la’o ho paz no hakmatek, informa SEJD Abrão Saldanha.
Iha fatin hanesan Embaixadór Indonesia iha Timor-Leste, Okto Dorinus Manik, afirma, aniversáriu pengesahan Persaudaraan Setia Hati Terate (PSHT), ne’e sei realiza iha Timor-Leste nune’e labele akontese problema entre nasaun rua ne’e.
“Ba oin ita dala ruma iha eventu hanesan iha fronteira, tanba foin lalais ami halo ona Treinamentu ba treindora sira, tanba ita haree pótensia Timor-Leste ne’e boot tebes oinsá Timor-Leste iha Futeból Asia ba U-19 no mós Taekwondo makaas iha Olimpiade, aleinde ne’e modalidade sira seluk iha ne’e mós makaas tanba ne’e ha’u hanoin ita tenke dezenvolve nafatin”, Okto Dorinus informa.(Asesu Yuotobe/Facebook https://www.facebook.com/Media1Timor Media One Timor)
Ita nia komentariu konaba post ne'e.