DILI (Media ONE Timor) –HousiServisu Integradu Jestaun Krize (SIJK) iha Sala Situasaunanunsiu onato’o Loron15 Abril 2020 pasiente afetaduCorona Virus (Covid-19) hamutukTimor-oannain hitu, nu’udar groupu idanebé tama mai TL ihaLoron1 Abril2020.
Tuir esplikasaun Koordenador Forca Tarefas Prevensaun no Investigasaun, dr. Sergio Lobo iha konferensia imprensa nebé hala’oiha CCD, (15//4/2020) hateten, hamutuk Timor-oan nain37 makatama liu housi FronteiraTerrestraMota-Ain.Sira sa’e bis rua. Bis Bacham no bis Bintang.
Esplika dr. Sergio, bis rua ne’e Ministeriu Saúde alugaholi tulaTimor-oan nebé maioria estudante housi Mota-Ain mai to’o Dili. Hamutuk kada bis, ihanialaran kandutor ida no ajudante nain rua.
“Timor-oan nain 37. Feto 18 no mane 19. Hamutuk halo viajemiha loron 1 Abril 2020ho bisrua nebé alugahousi Ministeriu Saúde. Bis Bacham iha nia kondutorno ajudante nain rua. Hanesan mós ho bis Bintang. Akompaña iha viajemne’e ekipamediku no PNTL,” katak dr. Sergio.
Tuirnotisia nebé fo sai ona hateten, pasienteCovid-19dahulukidentifika iha loron 27 Marsu 2020. Nu’udar sidadaun Portugueza. Housi pasiente dahuluk ne’e makahamosu EstaduEmerjensiaba Nasaun Timor-Leste (TL)iha Loron 28 Marsu 2020. Maibé sidadaun Portugueza ne’e kuradu ona.
Ihaloron, 10 Abril 2020 identifikatan Timor-oan nainidapozetivu Covid-19 housi Fatin Karantina Hotel Katuas. Loron 13 Abril 2020nain rua housi groupu viajem hanesan no hamutuk iha Hotel Katuas. No iha loron15 Abril 2020identifika tan nain rua housi Hotel Katuas. Nune’e kompletu Timor-oan hamutuk pazetivu Covid-19 nain hitu.
Antes ne’eKoordenador Ligasaun Ofisial Tarefa Covid-19, Rui Maria de Araújo
esplika, Covid-19hadaet entre emaho ema, liu housi kriteria-kriterianebé maka obrigadu buka kontatupara halo teste.
“Molok pasiente hatudu nia sintomas to’o loron 14 hafoin hatudu sintomas. Nune’e sé deit maka presiza buka, maka buka iha loron rua antes sitoma mosu to’o loron 14 hafoin sintomas mosu ne’e nian,” dehandr. Rui hodi esplika kriteria kontatu dahuluk nian.
Nune’e kalkulasaun ba prosesu hadaet Covid-19 housi entre Timor-oan nain hitu, bazeia ba loron rua antes to’o loron 14 hatudu sitomas ka tempu inkubasaun remata iha Hotel Katuas hodi evakua ba sala izolamentu Vera Cruz.
Hahu ho pasiente pozetivu Covid-19 dahuluk iha loron 10 Abril 2020. Sura fila fali ba kotuk, loron rua antes mai to’o loron 14 sintomas Covid-19 nian, posibilidade pasiente ne’e afeitadu iha entre loron 25 no 26 Marsu 2020.
Signifika, pasiente pozetivu Covid-19 dahuluk housi hotel katuas, afetadu ona iha loron rua antes loron 14 maka entre loron 25 no 26 Fulan Marsu 2020 iha ninia viajem durante housi Indonezia. Tama ba loron 1 Abril 2020, pasiente ne’e iha ona Covid-19.
“Oinsa ho sira nebé atende estudante hirak ne’e iha Fronteira. Ba sira nebé cek passaporte. No fo atendementu seluk tan?,” husu jornalista ba dr. Rui. Maske lahetan klarifikasaun detalhadu, maibé to’o Loron, 15 Abril 2020 sira nebé fo atendementu lahatudu sintomas infetadu Covid-19, maka atu halo distansia metru ida kumpri duni iha nebá.
Tanba tuir dr. Rui nia esplikasaun katak, konseitu Covid-19 hadaet housi ema ida kontatu ho ema seluk nebé maka presiza monitoriza iha loron rua antes hahu tempu inkubasaun, sira ne’e maka ema nebé; kontatu ho pasiente Covid-19 menus housi metru ida, durante liu minute 15 entre oin ho oin. Maibé sira nebé fo atendementu iha fronteira lahatudu sintomas. Signifika, sira kumpri regra ne’e.
Konseitu kontatu seluk, maka viajem iha transporte hanesan. Nune’e sira nain 43, inklui kondutor nain rua no ajudante nain haat hamutuk iha bis rua nia laran, nia prosesu hadaet ki’ik. Tanba, ihabis ida nia laran iha kadeira 25, inklui kadeira kondutor.
Kalkusaun ba nain 43 fahe ba kadeira 50 iha bis rua, makaema ida kadeira ida, inklui ajudante kuandu tu’ur hotu iha bis laran. Ho distansia ne’e maka posibilidade atu hadaet housi viajem transporte durante housi Mota-Ain mai Hotel Katuas, Dili, ki’ik.
Nune’e maka hafoin tempu kuarentena liu loron 14, iha Loron, 15 Abril 2020, tantu kondutor ho nia ajudante nain haat seluk lahatudu, sintomas. No daun-daun ne’e sira nain 6 sai ona housi fatin kuarentena Mota-Ain, Maliana.
Iha loron, 13 Abril 2020 mosu tan pasiente Covid-19 housi Hotel Katuas fatin nebé pasiente dahuluk hela.Sira mós halo viajem hamutuk mai Dili ho bis hamutuk. Bazeia kriteria kontatu loron rua antes hafoin pasiente pozetivu simu virus maka pasiente daruak simu iha entre loron 27 no 28 Marsu 2020. Signifika sira simu durante viajem antes tama mai fronteira Mota-Ain.
Pergunta maka entre pasiente dahuluk no daruak sira hamutuk ona antes loron 1 Abril 2020 ne’e kah lae. Ne’e maka prezisa buka tuir. Tanba, kuandu viajem hamutuk ona to’o tama mai Mota-Ain, hafoin fahe malu maka sira iha posibilidade hadaet ba ema barak liutan.
No pasiente pozetivu Covid-19 datoluk mosu iha loron 14 Abril 2020 hodi kompleta ba Timor-oan nain lima maka pazetivu housi fatin Kuarentena Hotel Katuas. Tuir spekulasaun loron rua antes to’o loron 14 mosu sintomas, maka pasiente pozetivu datoluk simu iha loron entre 29 no 30 Marsu 2020, antes hakat liu fronteira Mota-Ain. Maka, presiza konfirmasaun klaru iha loron ne’e sira iha ligasaun ba malu entre pasiente pozetivu seluk nian.
Iha Loron 15 Abril 2020 pasiente pazetivu dalima hatudu sintomas Covid-19. Nafatin bazeia ba spekulasaun loron rua antes mai to’o loron 14 hafoin tempu inkubasaun remata hodi hatudu sintomas maka pasiente nain rua ne’e iha posibilidade hetan daet iha loron 30 no 31 Marsu 2020 antes tama mai TL.
No iha loron 16 Marsu2020, identifikatan nain 10pazetivu Covid-19. Nune’e sira nia tempu inkubasaunhahu ihaentre loron31 Marsu no 1 Abril 2020. Tuir espekulasaunnain 10 ne’e hetan housi nain hitu nebé bele hadaet durante viajem mai to’o Hotel Katuas.
Housi indetifikasaun ne’e maka iha spekulasaun katakpasientepozitivu nain hituhetan daethahuhousi sira nia viajemiha Indonezia antes tama mai TL. Nune’e, iha posibilidadepasiente nain hitu ne’e hadaet iha viajem housi Mota-Ain ka posibilidade mós hadaetbele hadaet durante hamutuk iha Hotel Katuas.
Signifika nain hitu maka iha ona virus Corona iha Indonezia antes tama mai Timor-Leste. Nune’e fasil atu hadaetdurante viajem no iha Fatin KuarentenaHotel Katuas.
“Tanba ne’e maka Ministeriu Saúde halo akompanyamentu detalhadu no halo ona ezames lobuk ida basuspeitu Covid-19. No hahu hatudu ona rezultadu balun ona,” dehan dr. Rui.
Tenik dr. Rui, kriteria hadaet seluk maka ema ida halo prestasaun saúde ba ema hirak nebékonfirmadu. Maibébainhira nia halo prestasaun saúde hodi fo konsulta ka halo atendementu nia la uza ekipamentus protesaun individual nian.
Nune’e maka tuirPorta-Vóz Servisu Integradu Jestaun Krize (SIJK), doutora (dra.), Odete Maria Viegas iha Sala Situasaun, CCD hateten, mediku sira nebébesik hosira afeitadu Covid-19 iha Hotel Katuas mós halo teste no obrigatoriu tama Kuarentena.
“Kriteria seluk hanaran Koabitasaun. Wainhira ema ida konfirmadu pozitivuCovid-19hela hamutuk iha uma laran ida.Katak iha uma laran, idak-idak la uza maskra. Entaum iha ida ne’e, tama iha kategoria hanesan kontaktu, kuandu hela hamutukho ema ida konfirmaduona,” katak dr. Rui.
Maibé, kuandu Covid-19 nia hadaet makahahu ihaloron nebévirus transfere makaspekualasaun loron antes tempu enkubasaun remata iha loron 14 nian foin hatudu sintomas nune’eTimor-oan nain hitu nebédeteta pozetivu iha loron10 to’o loron 15 Abril2020 makahadaet ba sira seluk iha Hotel Katuas.
Covid-19nu’udar virus importadu. Maka,orgullu ba desijaunorgaun soberanu sira hodi foti desijaun taka fronteira no halo Kuarentena ba sira nebé mai housi nasaun afeitadu nian, nebéseiminimiza ba transmisaunlokal. Orasaun akompanya ba pesoal saúde nia esforsu no servisu. Bapasiente pazetivu no familia hotu forsa nafatin nia fiar Nafatin ba Maromak nia domin boot liu hotu-hotu.(Reportájem Suzana Cardoso)
Ita nia komentariu konaba post ne'e.