(Reportajen Livia-Sidalia/Editora Suzana Cardoso)
DILI (Media ONE Timor) – Traballador domestika 56% imigrante mai hosi munisipiu ho edukasaun no koñesementu ne’ebé minimu.
“Tamba ne’e husu ba Governu atu halo baze legál ida hodi valoriza no halo protesaun ba traballador domestiku sira ne’e”, relata Diretora Working Center Timor-Leste, Richa Pascoela iha seminariu komemorasaun loron mundial domestika nian ne’ebé organiza hosi Forum Organizasaun Noun Governamental (Fongtil) semana ne’e.
Lee Notisia Relevante: Traballador Domestika 56% Imigrante Menus Edukasaun
Richa hatutan, hosi edukasaun no kuñesementu ne’ebé menus fó impaktu ba traballador sira nia salariu moos minimu, kompara ho sira nia volume servisu.
“Traballdor sira nia salariu moos minimu tebes. Sira nia servisu liu fali oras. Dalaruma servisu loron ida bele to’o oras sanulu, tanba dala barak sira hela iha laran. No balun seluk hela iha liur”, esplika Richa.
Sei nafatin hosi peskiza Richa, sira bele servisu iha loja no instituisaun balun. Maibé to’o iha Kapitál Dili, sei la hetan servisu hanesan anterior.
Peskiza ho traballador demostika hirak ne’e haree hosi parte tratamentu katak Richa, fasil liu ba sira servisu hamutuk ho ema kompara servisu iha loja no instituisaun balun.
Hatan Jornalista kona-ba dadus traballador sira hetan violasaun fiziku no seksual, Richa lakohi atu fo sai tanba persepsaun ba krime no seksu la hanesan.(Asesu Youtube/Facebook Media ONE Timor)
Ita nia komentariu konaba post ne'e.