(Komunikadu Imprensa)
Berlin (Media ONE Timor) – Líder Nasionál Kay Rala Xanana Gusmão defende realizasaun referendum ne’ebé livre no justu, hodi permite povu Sharaui alkansa dekolonizasaun no independénsia.
Tuir komunikadu imprensa ne’ebé redasaun Media ONE Timor simu, Segunda, (05/12/2022) hateten, pozisaun ne’e hato’o bainhira Xanana sai comvidado de honra, iha konferensia husi Koordenasaun Europeia ba Soliedariedade ba povu Sharaui – EUCOCO ne’ebé realiza iha Berlin Alemaña.
Lider nasionál ne’e mós fó hanoin katak, durante luta ba libertasaun nasionál nia mós sofre perseguidu. Assiste mate no terus oi-oin. Tanba ne’e, apela atu hakotu violasaun diretus humanus. No explorasaun husi okupasaun Marroko iha Sharaui.
Tuir Xanana, hakotu prosesu dekolonizasaun ho dame iha kolonia ikus-liu iha Afrika, la’ós deit hanesan julgamentu ba humanidade. Maibé, teste bá kolonizador sira atu korriji erru iha Sahara Osidentál.
“Saida mak povu Sahara sofre antagonista, injustisa, aliansa injusta, ultrapassa rezisténsia no asisténsia liu husi envolvimentu konstrutivu iha Planu ONU. Ne’e falla kumpe ninia vontade no obrigasaun”, katak Xanana hodi hatutan.
Faillansu ne’e hodi halo Ita enfrenta responsabilidade historika, hanesan povu lutador bá mundu ne’ebé di’ak liu, ne’ebá iha pas, estabilidade, seguransa no konvivensia entre povu.
Partisipante sira iha konferensia ne’e sente xoke no aplauza ba Xanana Gusmão ne’ebé hakruuk ba simbolu, revolta, firmeza no rezisténsia povu Saharaui Sultana Kha Ya, hodi louva no valoriza ninia luta hasoru okupasaun Marroko atu hatan pás.( Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.