(Reportajen Livia Sarmento /Editora Suzana Cardoso)
DILI (Media ONE Timor) – Konsolidasaun ba fraternidade umana ne’ebé akomula relejiaun sira iha Timor-Leste (TL) hanesan Katóliku, Protestante, Islámiku, Budista no Konghucu hahú implementa ona.
“Implementasaun ba konsolidasaun ba fraternidade umana ne’e atu hatudu nafatin katak iha Timor-Leste (TL) bele iha probelma entre arte marsiál. Maibé, unidade entre relijiaun metin nafatin.”
Lia fuan ne’e hateten hosi eis Primeiru Ministru Kay Rala Xanana Gusmão ba Jornalista sira hafoin remata enkontru ho Prezidente Repúblika José Ramos Horta iha Palasiu Prezidensiál Nicolao Lobato, Kinta, (18/08/22).
Lee Notísia Relevante: TL Sei Sai Ezemplu Ba Mundu
Iha sorumutu ho Prezidente Repúblika José Ramos Horta, esplika Xanana, nia simu delegasaun hodi reprezenta TL hasoru no hato’o ba Amu Papa Francisco katak TL laiha problema entre relijiaun. No hahú promove no mós konsolida fraternidade umana.
Katak Xanana, dokumentu fraternidade umana buat ida boot tebtebes. Fraternidade umana ko’alia kona-ba unidade nasionál no rekonsiliasaun iha TL rasik.
“Dalaruma Ita hakarak hala’o buat ida boot tebe-tebes. Maibé tenke hahú ho nei-neik”, Xanana dehan hodi hatutan, tinan-tinan TL tenke hala’o atividade hodi konsolida fraternidade umana atu sai di’ak liu tan.
Lee Notísia Relevante: Desidi Xanana Partisipa Konsistoriu Arche Bispu
Xanana mós informa, iha tempu badak Vise Prezidente Vaticano sei mai TL reprezenta Amo Papa Francisco. Nia sei hasoru Xefe Estadu hodi ko’alia kona-ba dokumentu fraternidade umana hodi hametin unidade fraternidade nian.
Hanesan públika tiha ona katak, Prezidente Repúblika Jose Ramos Horta delega Kay Rala Xanana Gusmão ba partisipa serimonia Arche Bispu Metropolitan Dom Virgilio do Carmo da Silva,SDB simu knaar foun hanesan Kardeal iha loron 27 Setembru 2022 iha Vaticano Roma. (Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.