FDCH Iha PR Fó Oportunidade Jovem Hasa’e Kapasidade

MEDIAONETIMOR-Atu asegura servisu Fundu Dezenvolvimentu Kapital Humano (FDCH) nian iha rai laran maka Sekretariu Ezekutivu FDCH, Ismenio Martins da Silva halo enkontru hó Presidente Repúblika (PR), Francisco Guterres Lú Olo.

“Enkontru ne’e atu haré konaba orsamentu PR nian ne’ebé maka aloka ba iha FDCH. Liu-liu ligasaun hó fundu pedidus individuais sira mai gabinete, atu asegura fó oportunidade ba joven no estudante hasa’e sira nia koiñesimentu iha nivel akademiku, inklui hasa’e kapasidade.”

Haktuir Sekretariu Ezekutivu FDCH, Ismenio ba Jornalista hafoin remata enkontru iha Palasiu Prezidensial semana ne’e. Nia hateten, orsamentu jeral estadu tinan 2017 atribui ba Gabinete PR hamutuk U$55.000,00 hodi responde ba pedidu PR nian.

Katak Ismenio, iha FDCH orsamentu disponivel para atu bele responde ba pedidu dezenvolvimentu nian ba programa 4 maka hanesan;

1. Formasaun profesional ne’ebé mak atribui ba iha sentru formasaun SEPFOPE nian.
2. Formasaun tékniku ba funsionariu públiku sira.
3. Bolsa estudu ba timoroan no funsionariu públiku.
4. Objetivu formasaun ne’ebé mak iha ne’eba mós permite atu bele atribui ba estudante sira ne’ebé mak presiza apoiu hosi estadu ka governu ne’ebé mak bele apoiu komplementar ba sira.(Reportájem Deonisio da Cruz)