DILI (Media ONE Timor) – Atu introdus Timor-Leste (TL) nia muzika jaz ba mundu internasionáis, hamutuk Timor-oan nain Walu hosi Banda Muzika Lakateu Lian partisipa festival Zabvajes ASEAN iha Jakarta, Indonezia.
“Foin primeira vez, TL hetan oportunidade bele partisipa hodi lori mós artista tokador Timor-oan nain walu ba partisipa festival ASEAN,” hateten Sefi no Solo Banda Muzika Lakateu Lian, Alberto Piedade iha konferensia Imprensa ne’ebé hala’o foin lalais ne’e.
Sefi Banda Muzika ne’e esplika ba jornalista sira, festival Zabvajes ne’e partisipa hosi nasaun sira ne’ebé sai membru ASEAN. Iha tinan 2020, Jakarta maka sai uma nain. Festival ne’e hala’o ona iha Loron 23 Fevereiru to’o Loron 1 Marsu 2020.
Katak Kantor Alberto, partisipasaun hosi Timor-Leste ho muzika Manu Lakateu Lian hetan apresiasaun mak’as hosi Nasaun ASEAN. Tanba, antes atu ba tuir festival Zabvajes ASEAN halao uluk treinamentu besik fulan 6.
Alberto hateten, durante treinamentu hetan suporta maximu hosi Manajer Banda Muzika Lakateu Lian, Stanley Romeoch no Producer Braiem Bety. No orsamentu viajem ba-mai hetan suporta hosi Sekretariu Estadu Joventude no Desportu (SEJD) no lideransa sira seluk.
Apoiu hirak ne’e katak Alberto, hodi fo apoiu ba existensia muzika jaz TL nian ba mundu internasionais. Nune’e, iha futuru TL sei partisipa liutan iha eventu-eventu nebé boot liutan.
Hafoin fila hosi festival Zabvajes ASEAN dehan Alberto, sei produs muzika individual hosi Banda Muzika Lakateu Lian. Katak, hosi nain walu nebé ba tuir festival ne’e, ida-idak ho kanta rasik. No bele produs muzika duet ka hamutuk.
Planu seluk dehan Alberto, sei halo produsaun audio vizual housi prosesu tomak. Hahu housi no ba festival, to’o fila mai TL. Halo promosaun iha TL no iha Jakarta, Indonezia ba groupu ninian nebé halo parte iha ne’eba.
“Aliende ne’e buka atu kolabora hamutuk ho invitor no entidade sira ne’ebé hakarak atu tulun prosesu Lakateu lian nian,” dehan Alberto hodi husu Timor-oan atu aprende hamutuk hodi hakat ba oin liu housi parte oin-oin.(Reportájem Ana de Jesus)
Ita nia komentariu konaba post ne'e.