DILI (Média ONE Timor) – Aviaun espesial ho marka N982RW lori ona trofeu Kopa Mundiál Federsaun Internsional Futebool Asosiasaun (FIFA) to’o ona iha Airoportu Internasional Nicolau Lobato Comoro.
Aviaun Espesial ne’ebé mak lori Trofeu Kopa Mundiál ne’e tun iha Aeroportu Internsional Nicolau Lobato iha tuku 08:53 OTL hatuun husi aviaun ho delegasaun husi FIFA hamutuk nian neen no mós ho Jornalista Internsional sira.
Legendariu futebolista Cristian Lali Karambeu tuun husi aviaun no simu direta husi Prezidente Federasaun Futebol Timor-Leste (FFTL), Francisco Pereira Jerónimo no Sekretariu Estadu Juventude no Desportu (SEJD), Abrão Saldanha.
Hafoin atu hakat liu husi fatin (VIP), iha Aeroportu Internsional Nicolau Lobato, simu kedas ho dansa tradisionál TL nian durante minutu balu nia laran.
Tuir orariu Trofeu Kopa Mundiál nia prezensa durante oras neen, sura husi Airoportu sei hakat uluk ba Palacio Prezidente Nicolau Lobato Dili Timor-Leste. No sei iha sesaun foto nian, no Prezidente Repúblika, José Manuel Ramos Horta sei hato’o mós preves palavras.
Remata iha Palasiu Prezidente, kontinua kedas ba Estadion Munisipal Dili, hodi adeptus bolamania sira bele haree besik trofeu refere, no Futebolista Legendariu Cristian Lali Karambeu mak sei lori trofeu ne’e hodi hatudu ba Amantes hadomi bola sira.
Aleinde ne’e mós Legendariu Futebol Karambeu mós sei hatudu nia asaun Futebol hamautuk ho jogador juvenil (sub-12) feto no mane.
Atarasaun ne’e hala’o hodi bele fó inspirasaun ba jogador sira iha Timor Leste liuliu ba foin sa’e sira ne’ebé mak iha talentu Futebool nune’e bele dezenvolve di’ak liu tan Futebool iha Timor Leste.
Vizita Trofeu Kopa Mundiál mai Timor Leste pela Primeira vez, trofeu ne’e iha Timor kuaze oras 6.
Enteretantu tuir observsaun Jornalista, Joventude Hadomi Desportu (JHD), iha resintu Airaportu Internsional Nicolau Lobato to’o iha Estadion ne’e hetan apoiu seguransa maxímu husi Polísia Nasional Timor-Leste (PNTL).
Enkuantu ba TL nia perparasaun atu simu trofeu Kopa Mundiál ne’e, totál orsamentu hamautuk 40.000 USD husi SEJD no FFTL.(Asesu You tube/Facebook Media ONE Timor)
Ita nia komentariu konaba post ne'e.