(Reportajen Jornalista Livia Sarmento)
Dili (Media ONE Timor) – Relasaun entre Timor-Leste (TL) ho Korea do Sul sei aumenta metin liutan liu husi investimentu. Husu Korea do Súl atu sira loke fabrika ruma iha TL. Nune’e, sira sei kontribui ba dezemvolvimentu no empregu.
“Relasaun entre Timor-Leste ho Korea metin loos. No ha’u espera povu iha Korea sira mós kontente ho relasaun ne’e. Ba oin Ita bele buka hakat ba investimentu. Sira (korea do Súl) bele loke fábrika ruma iha ne’e. Kontribui ba Timor nia dezenvolvimentu. Kontribui ba empregu iha rai laran.”
Hateten Prezidente Repúblika (PR), José Ramos-Horta iha nia deskursu Komemorasaun Loron Nasional Korea nomos tinan 20 relasaun diplomatika entre TL ho Korea do Sul nian, ne’ebé hala’o iha Ótel Timor, Kuarta kalan, (09/11/2022).
PR Horta esplika liutan, relasaun bilateral entre nasaun rua ne’e sei sólida. Tanba TL no Korea iha ístória ne’ebé hanesan. Sofre invazaun oi-oin. Maibé interesadu loos atu apoia TL. Iha futuru. Hein Korea do Sol bele aposta ba kooperasaun ekonomika.
“Ha’u fi’ar. Tanba ohin kalan kompañia boot iha Korea mós mai. Ha’u iha esperansa ne’ebé sei aumenta liu-tán relasaun ho Korea do Súl. Ita nia joven sira mós kontente estuda língua Koreanu. Ha’u espera sei bele kontinua ba futuru. Tanba povu Korea haree istória Timor nian, hanesan ho sira-nian,” katak PR Horta.
Entretantu, hola parte iha serimónia refere, membru governu, kórpu diplomátiku. No mós kargu xefia husi liña ministériu. Prezidente husi ajénsia autónomia sira, reprezentante husi autoridade defeza no seguransa. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.