Uma Kain 17 Afeitadu Dezastre Naturais

(Reportajen Estajiada Media ONE Timor-Dilvia Moniz)

Dili (www.mediaonetimor.co) –  Hamutuk uma kain 17 maka sai vitima ba dezastre naturais ne’ebé akontese iha teritoria Timor-Leste, ne’ebé akontese iha loron 05 Marsu to’o loron 11 Marsu 2024.

Tuir relatoriu semenál ne’ebé relata husi Autoridade Protesaun Sivil (APC-sigla Portugues) liu husi Sentru Nasionál Operasaun Sivil (CNOPOC-sigla Portugues) no Direção Nacional de Meteorologia e Geofísica (DNMG) iha konferensia imprensa ne’ebé hato’o husi Xefi Seksaun APC,  João de Sousa Filipe  hatete, durante semana dahuluk iha fulan Marsu nia laran akontese anin boot, ahi han uma no be’e tama uma hodi estraga uma hamutuk 17.

Deskreve João,   durante semana ida ne’e nia laran akontese dezastre naturais anin boot sobu komunidade sira nia uma hamutuk 11, ahi han uma kain ida no be’e tama uma kain lima. Nune’e hamutuk uma kain 17 maka lakon sira nia hela fatin no sasan uma laran.

Hatutan João,  munisipiu hirak ne’ebé afeitadu husi dezastre naturais hirak ne’e maka hanesan;

1. Munisipiu Aileu, postu Aileu villa no Postu Remexio akontese anin bo’ot sobu komunidade nia uma lima.
2. Munisipiu Atauru, Postu Atauro akontese anin sobu komunidade nia uma rua.
3. Munisipiu Baukau, Postu Baguia akontese anin bo’ot sobu komunidade nia uma haat
4. Munisipiu Kovalima, Postu Fohorem akontese anin sobu komunidade nia uma ida.
5. Munisipiu Ermera, Postu Hatulia A akontese ahi han komunidade nia uma ida.
6. Munisipiu Manufahi, Postu Alas akontese be’e sa’e no estraga komunidade nia uma ha’at.
7. Enklave RAEOA, Sub Rejiaun Pante Makasar akontese anin sobu komunidade nia uma ida.

“Durante akontese dezastre naturais, Autoridade Protesaun Sivil servisu hamutuk ho autoridade munisipiu sira halo kedas intervensaun,  hafoin fó apoiu emerjensia ba família sira ne’ebé afeitada dezastre naturais ne’e”, João hatete. Asesu Youtube/Facebook https://www.facebook.com/Media1Timor Media ONE Timor)