Kuala Lumpur, Malázia (www.mediaonetimor) – Hametin no promove kooperasaun bilaterál ne’ebé bazeia ba igualdade, benefísiu mútuo, no respeitu ba soberania, Ministru Komunikasaun Malázia, Ahmad Fahmi Bin Mohamed Fadzil, no hosi Sekretáriu Estadu Komunikasaun Sosiál TL, Expedito Dias Ximenes asina akordu.
Akordu Nota Entendimentu (MoU) ne’ebé selebra entre Governu Repúblika Demokrátika TL no Governu Malázia ne’e hala’o iha durante serimónia ofisiál ne’ebé hala’o iha Kuala Lumpur iha marjen Simeira ASEAN ba dala 47, Kuala Lumpur, Sesta, (25/10/2025) ne’e ida kona-ba kooperasaun iha dezenvolvimentu informasaun no mídia hodi hametin parseria bilaterál iha setór mídia no transformasaun dijitál.
“Ami haruka ona ami nia team Malaysia Telecommunikasaun regulator iha Timor-Leste atu halo diskusaun ho counterpart no haree oinsa mak ami bele halo kolaborasaun,” Ministru Komunikasaun Malázia, Datuk Ahmad Fahmi Bin Muhamad Fadzil hateten.
Nia hatete, Malázia sei servisu besik ho Timor-Leste atu dezenvolve infrastrutura telekomunikasaun nian hodi fó benefisiu ba povu rai rua nian no hametin relasaun entre ema ho ema.
Nune’e, Datuk Ahmad informa katak, Ministeriu Transporte no Komunikasaun TL interesante tebes ba asuntu komunikasaun sosial, no haruka ona ninia tékniku balun mai vizita TL. Tanba, transformasaun dijitál no inovasaun iha mídia, inklui notísia online, edukasaun, no plataforma kultura nian;
Katak Datuk Ahmad, troka informasaun no konteúdu notísia entre ajénsia notísia nasionál sira Tatoli (Timor-Leste) no Bernama (Malázia) no kolaborasaun entre emisora públika Radio Televizaun Timor-Leste (RTTL), E.P. no Rádiu Televizaun Malázia (RTM) importante tebes.
Kooperasaun ne’e liga ho dezenvolvimentu rekursu umanu liuhosi formasaun no programa kapasitasaun. No kombate dezinformasaun no notísia falsu, iha parseria ho Komisaun Komunikasaun no Multimédia Malázia (MCMC).
Memorandu ne’e prevee mós kriasaun Komité Traballu Konjuntu ida, ne’ebé kompostu hosi reprezentante sira hosi governu rua ne’e, ne’ebé tinan-tinan sei hasoru malu iha baze rotativa iha Timor-Leste no Malázia, ho objetivu atu akompaña implementasaun programa no propoin área kolaborasaun foun sira.
Iha deklarasaun sira ba imprensa, sekretáriu Estadu Expedito Dias Ximenes afirma katak akordu ne’e “marka pasu importante ida iha modernizasaun hosi setór mídia timoroan nian no loke odamatan ba parseria téknika sira no formasaun ho instituisaun rekoñesidu sira iha Malázia”.
Iha parte seluk, Ministru Ahmad Fahmi bin Mohamed Fadzil subliña katak kooperasaun “reflete kompromisu Malázia nian hodi apoia nasaun sira iha rejiaun hodi hametin literasia mídia nian no adapta ba teknolojia dijitál foun sira.”
Memorandu Entendimentu ne’e válidu ba tinan lima no bele hanaruk ho akordu mútuo entre governu rua ne’e. (Asesu Youtube-https://www.youtube.com/@Media1Timor/Facebook- https://www.facebook.com/Media1Timor/Iha moos Kursu Jornalizmu no Lian Inglesh)
Ita nia komentariu konaba post ne'e.